កំពូលតារាចម្រៀងលំដាប់ជួរមុខក្នុងប្រទេសកម្ពុជា ឱក សុគន្ធកញ្ញា ដែលនិងត្រៀមខ្លួនក្លាយជាកូនក្រមុំដ៏ស្រស់ស្អាតរបស់ប្អូនប្រុសសំណព្វចិត្តម្ចាស់ផលិតកម្មហង្សមាសនាពេលឆាប់ៗខាងមុខនេះហើយ។

ជាក់ស្ដែងកាលពីម្សិលមិញនេះក្រុមហ៊ុន One Memory One Memory” បានបង្ហោះរូបថតPre-Wedding ម្ចាស់បទ ”ម៉ាប់ៗ” មួយសន្លឹកភ្ជាប់ជាមួយសារមួយឃ្លា ” Celebrated beautiful Pre-wedding of Sokly & Sokunkanha” គឺពិតជាស្រស់ស្អាតខ្លាំងមែនទែន ប្លែករហូតដល់មើលមិនចង់ស្គាល់ពីព្រោះរូបនេះគ្រងជាឈុតកូនក្រមុំដ៏ស្រស់ស្អាតដូចជាព្រះនាងម្ចាស់ក្នុងរឿងនិទានហើយអណ្តែតខ្លួននៅក្នុងផ្ទៃទឹកហាក់បីដូចជានៅក្នុងក្តីសុបិន្តមួយ។

ក្នុងឈុតរ៉ូបវែងប៉ោងពណ៍ទឹកសមុទ្រនិងលេងស្ទីលអណ្តែតក្នុងផ្ទៃទឹកនេះគឺមានតែ ឱក សុគន្ធកញ្ញា មួយប៉ុណ្ណោះដែលមានស្ទាយបែបនេះក្នុងថ្ងៃថត Pre-Wedding ដល់ថ្នាក់ធ្វើឲ្យមហាជនពោលសរសើរសម្រស់របស់នាងមិនដាច់ពីមាត់។

មង្គលការកំពូលតារាចម្រៀង ឱក សុគន្ធកញ្ញា ជាមួយប្អូនប្រុសថៅកែហង្សមាសនឹងចាប់ផ្ដើមឡើងនៅថ្ងៃទី១៦ ខែឧសភា ឆ្នាំ២០១៩ ខាងមុខនេះហើយនៅសណ្ឋាគារលំដាប់ផ្កាយ៥ សុខាត្រើយម្ខាង៕

អត្ថបទដោយ៖ សុក លក្ខិណា