យោងតាមរបាយការណ៍ពី Sky Sport បានអោយដឹងថាក្រុម Everton មានបំណងចង់ចុះហត្ថលេខាក្នុងតម្លៃ ៣៦ លានផោនសម្រាប់ខ្សែប្រយុទ្ធឆ្នើមរបស់ក្រុមសេះបង្កង់ Juventus កីឡាករ Moise Kean។

គួរបញ្ជាក់ថាក្លឹបនៅក្របខណ្ឌ Premier League មួយនេះកំពុងតែស្វែងរកការពង្រឹងបន្ថែមទៀត សម្រាប់តំបន់ប្រយុទ្ធរបស់ពួកគេ ប៉ុន្តែក្រុម Juventus នឹងទាមទារការដាក់លក្ខខណ្ឌទិញត្រលប់វិញ នឹងត្រូវបញ្ចូលនៅក្នុងកិច្ចសន្យារបស់កីឡាករវ័យ ១៩ ឆ្នាំរូបនេះ ។

ជាក់ស្តែង Kean បានរកគ្រាប់បាល់បញ្ចូលទីចំនួន ៦ គ្រាប់ក្នុងក្របខ័ណ្ឌ Serie A ក្នុងការបង្ហាញខ្លួនចំនួន ១៣ ប្រកួតកាលពីរដូវកាលមុន និងក៏អាចរកបាន ២ គ្រាប់ផងដែ រក្នុងការបង្ហាញខ្លួន ៣ លើកសម្រាប់ក្រុមជម្រើសជាតិអ៊ីតាលី ។

យ៉ាងណាមិញកីឡាករ Gonzalo Higuain និង Mario Mandzukic នៅតែស្ថិតក្នុងក្រុមដំបូងរបស់ Juventus នោះមានន័យថាក្លឹបរីករាយចំពោះ Kean ដើម្បីអភិវឌ្ឍន៍នៅកន្លែងផ្សេងទៀតនៅរដូវកាលក្រោយនេះ។

លើសពីនេះក្រុម Arsenal, Borussia Dortmund, Fiorentina, Ajax, Barcelona និង Wolves សុទ្ធតែបានបង្ហាញការចាប់អារម្មណ៍របស់ពួកគេទៅលើកីឡាករក្មេងវ័យរូបនេះ៕