សត្វពាហនៈមានច្រើនប្រភេទ ហើយប្រភេទនីមួយៗចែកជាចេញជាច្រើនពូជពង្ស។ បើនិយាយរឿងដល់សត្វកំប្រុកលោកអ្នកប្រហែលជាស្គាល់ហើយ តើមែនដែរទេ? សត្វកំប្រុកគឺជាសត្វជើងបួន មានកន្ទុយខ្លីលម្មសមនឹងដងខ្លួនតូចគួរឲ្យស្រឡាញ់របស់វា ហើយវាជាសត្វដែលរស់នៅក្នុងព្រៃនិងតាមដើមឈើ ញ៉ាំផ្លែឈើព្រៃជាអាហារ។ ភាគច្រើនរោមរបស់វាគឺមានពណ៌គ្រាប់ស្រូវ។

ដោយឡែកសត្វកំប្រុកនៅប្រទេសឥណ្ឌបែរជាមានរូបរាង ពណ៌និងទំហំដងខ្លួនខុសពីសត្វកំប្រុកពីប្រទេសផ្សេងៗទៅវិញ។ វាមានខ្លួនធំខុសពីធម្មតា ហើយថែមទាំងមានកន្ទុយឡើងវែងគួរឲ្យកត់សម្គាល់។

ទម្ងន់របស់វាគឺ 1.5 គីឡូក្រាមទៅ 2 គីឡូក្រាម ចំនែកដងខ្លួនរបស់វាមានប្រវែង 25ទៅ45សង់ទីម៉ែត្រ ហើយពណ៌រោមរបស់វាគឺពណ៌ក្រហមលាយត្នោតចាស់និងមានលាយលំពណ៌ឆ្នូតបន្តិច។ ត្រចៀកវាខ្លីហើយមូល ចំនែកកន្ទុយវាមានប្រវែង 20 ទៅ40សង់ទីម៉ែត្រ។

ប្រភពរូបភាព៖ Google