ក្រោយការបោះឆ្នោតជាប្រវត្តិសាស្ត្រ នៅរដ្ឋសភាកាលពីថ្ងៃទី១៦ខែឧសភា កោះតៃវ៉ាន់បានក្លាយជាតំបន់ដំបូងគេបង្អស់នៅអាស៊ី ដែលមានច្បាប់អនុញ្ញាត្តិឲ្យរៀបការភេទដូចគ្នា ។

សារព័ត៌មាន AP បានផ្សាយថា ក្រុមតំណាងរាស្ត្រ តៃវ៉ាន់បាន ព្រមព្រៀងបោះឆ្នោត គាំទ្រច្បាប់ រៀបការភេទដូចគ្នា និង មានសិទ្ធិចិញ្ចឹមកូន ។

គណៈបក្សប្រជាធិបតេយ្យ របស់លោក ស្រី Tsai Ing-wen បានអំពាវនាវឲ្យបោះបង់ ទស្សនប្រកាន់អ្នកស្រឡាញ់ភេទដូចគ្នា និងអនុញ្ញាតិច្បាប់រៀបការស្រប់ច្បាប់ទៀតផង។ហើយការបោះឆ្នោតអនុញ្ញាតិច្បាប់គឺជាប្រវត្តិសាស្ត្រ ដោយមានតំណាងរាស្ត្រជាច្រើនលើសលបគាំទ្រ។

នៅពេលនេះដែរ ពលរដ្ឋរាប់សិបពាន់នាក់បានគាំទ្រច្បាប់រៀបការភេទដូចគ្នា បានប្រមូលផ្តុំនៅមុខ អគាររដ្ឋសភា ដើម្បីអបអរសាទរ ៕