Sokhanya
· 2019-07-06
វត្តមានថ្មីនៃក្រុមហ៊ុនអចលនទ្រព្យលំដាប់ពិភពលោកចូលមកកម្ពុជា បង្ហាញពីភាពរឹងមាំក្នុងវិស័យមួយនេះ
#ថ្នាក់ដឹកនាំកំពូល# #សង្គម# #អចលនទ្រព្យ#
0
ភ្នំពេញ ៖ តាមការអះអាងរបស់ថ្នាក់ដឹកនាំកំពូលប្រចាំប្រទេសរបស់ក្រុមហ៊ុន Century 21 Cambodia បានបញ្ជាក់ថា នៅក្នុងពេលដ៏ខ្លីខាងមុខនេះ ក្រុមហ៊ុនសម្ព័ន្ធ និងជាដៃគូ ក្នុងវិស័យអចលនទ្រព្យលំដាប់ពិភពលោកថ្មីមួយទៀត មានប្រភពមកពីសហរដ្ឋអាមេរិក ដែលមានអាយុកាលជាង ១១០ឆ្នាំនោះ នឹងបង្ហាញវត្តមានរបស់ខ្លួននៅលើទីផ្សារកម្ពុជា។
ការសម្រេចចិត្តចូលខ្លួនមកកាន់ទីផ្សារកម្ពុជាដែលជាប្រទេសកំពុងអភិវឌ្ឍមួយនេះ គឺបន្ទាប់ពីបានសម្លឹងឃើញយ៉ាងច្បាស់ពីភាពវិជ្ជមាន និងភាពរឹងមាំនៃវិស័យសំណង់នៅតែបន្តក្នុងរយៈពេលដ៏យូរអង្វែង។
នាយិកាក្រុមហ៊ុនអចលនទ្រព្យអន្តរជាតិប្រចាំប្រទេស Century 21 Cambodia លោកស្រី Grace Rachny Fong បានបង្ហើបប្រាប់ឱ្យដឹងតាមទូរស័ព្ទនៅពីព្រឹកថ្ងៃទី៦ ខែកក្កដា ឆ្នាំ២០១៩ នេះថា នៅត្រឹមរយៈពេលដ៏ខ្លីឆាប់ៗខាងមុខនេះ ក្រុមហ៊ុនអចលនទ្រព្យដ៏ធំលំដាប់ពិភពលោកមួយទៀតមានប្រភពនៅសហរដ្ឋអាមេរិក នឹងចូលមកកាន់ទីផ្សារកម្ពុជា។
លោកស្រីបានបន្តទៀតថា “នៅពេលដែលមានវត្តមានក្រុមហ៊ុនអន្តរជាតិលំដាប់ពិភពលោកចូលមកកាន់ទីផ្សារកម្ពុជា វាគឺជាសញ្ញាមួយដ៏ល្អ ដែលបង្ហាញពីទំនុកចិត្តខ្ពស់ទៅលើការអភិវឌ្ឍ ភាពរីកចម្រើនក្នុងវិស័យសំណង់ និងអចលនទ្រព្យ ក៏ដូចជាភាពល្អប្រសើរនៃកំណើនសេដ្ឋកិច្ចជាតិទាំងមូលផងដែរ”។
លោកស្រីបានបន្តទៀតថា “ក្រុមហ៊ុនអចលនទ្រព្យលំដាប់ពិភពលោកមួយនេះ មានប្រភពនៅសហរដ្ឋអាមេរិក និងមានអាយុកាលជាង ១១០ឆ្នាំ (បង្កើតនៅឆ្នាំ១៩០៦) ដោយបានពង្រីកវិសាលភាពរបស់ខ្លួនចំនួនជាង ១០០ប្រទេសទូទាំងសាកលលោក”។
លោកស្រីបានបន្តទៀតថា “ជាធម្មតា មុនពេលគេសម្រេចចិត្តមកបង្ហាញខ្លួននៅប្រទេសណាមួយ គឺពួកគេបានសិក្សាយ៉ាងច្បាស់ពីស្ថានភាពនយោបាយ ស្ថានភាពសេដ្ឋកិច្ច ក៏ដូចជាសក្តានុពលផងដែរ”។
លោកស្រីបន្តថា “ជាក់ស្ដែងដូចជាក្រុមហ៊ុន Century 21 Cambodia ជាដើម មុនពេលទទួលបានសិទ្ធិ ធ្វើជាការិយាល័យតំណាងប្រចាំនៅកម្ពុជា គឺក្រុមហ៊ុនមេបានសិក្សាយ៉ាងលម្អិត ទាំងកេរ្តិ៍ឈ្មោះរបស់អ្នកតំណាងស្នើសុំ ទាំងកេរ្តិ៍ឈ្មោះក្រុមហ៊ុន ជាពិសេស ភាពរីកចម្រើននៃសេដ្ឋកិច្ច កម្រិត GDP ក្នុងស្រុកផងដែរ រួមដែលសមស្របជាមួយល័ក្ខខ័ណ្ឌ និងគោលការណ៍របស់គេផងដែរ”។ លោកស្រីបានបង្ហើបថា “ក្រុមហ៊ុនដែលមានប្រភពមកពីសហរដ្ឋអាមេរិកមួយនេះ ជាដៃគូសម្ព័ន្ធដ៏ជិតស្និទ្ធរបស់ក្រុមហ៊ុន Century 21 Cambodia ” ។
បច្ចុប្បន្ននេះ នៅលើទីផ្សារកម្ពុជា ក្រុមហ៊ុនអចលនទ្រព្យបាន និងកំពុងតែរីកដុះដាលយ៉ាងខ្លាំង ដែលក្នុងនោះមានទាំងក្រុមហ៊ុនក្នុងស្រុក និងក្រុមហ៊ុនអន្តរជាតិ ជាពិសេសមានក្រុមហ៊ុនធំៗលំដាប់ពិភពលោកផងដែរ ដូចជា ក្រុមហ៊ុន Century 21 Cambodia ក្រុមហ៊ុន CBRE Cambodia ក្រុមហ៊ុន Knight Frank ក្រុមហ៊ុន (KW) Keller Williams ក្រុមហ៊ុន The Prince រួមជាមួយនឹងក្រុមហ៊ុនធំៗមួយចំនួនទៀតមកពីប្រទេសចិន ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
មនុស្ស០៧នាក់ស្លាប់ និងរបួសជាច្រើននាក់ ដោយសាររថយន្តក្រុងបុកគ្នាពេញទំហឹងជាមួយកុងតឺន័រ នៅខេត្ត Prachinburi ប្រទេសថៃ
មុខសញ្ញាចាស់បន្លំលួចលុយតាមផ្ទះយ៉ាងសកម្មរហ័សនាម «ធីដៃមួយពាន់» ត្រូវបានសមត្ថកិច្ចឃាត់ខ្លួនបានហើយ
សម្តេចប៉ាប ហ្វ្រង់ស៊ីស (Pope Francis) បានសោយទិវង្គតក្នុងជន្មាយុ ៨៨ ឆ្នាំ
តារាសំណាងទាំង ៤ សម្រុកកើបលាភធំក្នុងខែតុលា ជាពិសេសអ្នកឆ្នាំ កុរ យីអ៊ុនស្ទុះឡើងខ្លាំង
យោបល់ទាំងអស់ (0)