Vinicius Jr. បានបង្ហាញ ថារូបគេអាចគេចពីគូប្រកួតនៅលើទីលាន នៅពេលដែលគេលេងអោយក្រុម Real Madrid ចាប់តាំងពីគេលេងអោយឈុតធំ ក្នុងរដូវកាល ២០១៨/១៩ ប៉ុន្ដែរូបគេបានប្រឈមនឹងសំនួរលំបាកមួយនៅក្នុងបទសម្ភាសន៍ ជាមួយប្រព័ន្ធផ្សព្វផ្សាយនៅប្រេស៊ីល។

កីឡាករវ័យ១៨ឆ្នាំ បាននិយាយនៅក្នុងបទសម្ភាសន៍របស់ Fox Sports Brazil ដោយត្រូវបានសួរថា កីឡាករនៅ Real Madrid រូបណាដែលបានធ្វើអោយរូបគេមានការផ្លាស់ប្ដូរច្រើន។

ហើយ ខ្សែប្រយុទ្ធប្រេស៊ីលបានជួបនូវសំនួរដែលពិបាកឆ្លើយមួយ ដោយសំនួរនោះសួរថា៖ “តើអ្នកនឹងជ្រើសរើសកីឡាកររូបណា រវាង Messi និង Ronaldo ដើម្បីចូលរួមក្រុមជាមួយ?”

Vinicius បានឆ្លើយថា៖ “វាពិតជាពិបាក។ ខ្ញុំមិនដែលលេងក្នុងក្រុមជាមួយពួកគាត់ ខ្ញុំពិបាកថា។ បើនិយាយពីបច្ចុប្បន្នខ្ញុំនឹងជ្រើសយក Benzema។”