ចិន៖ យោងតាមនាយកប្រតិបត្តិនៃក្រុមហ៊ុន Nokia បាននិយាយថា បទប្បញ្ញត្តិបន្ថែម នៃឧស្សាហកម្មទូរគមនាគមន៍ នៅទ្វីបអឺរ៉ុបមានគោលដៅកំណត់តួនាទីរបស់ក្រុមហ៊ុនចិនដ៏សំខាន់ គឺក្រុមហ៊ុន Huawei អាចប៉ះពាល់ដល់វិស័យទាំងមូលយោងតាមការចេញផ្សាយពីគេហទំព័រឆៃណាឌៀលី។

លោក Rajeev Suri បានធ្វើសេចក្តីអត្ថាធិប្បាយថា រដ្ឋាភិបាលអឺរ៉ុបជាច្រើនបានពិចារណាថា តើអនុញ្ញាតឲ្យឧបករណ៍អេឡិចត្រូនិកពីក្រុមហ៊ុនផ្គត់ផ្គង់ចិន Huawei និង ZTE ប្រើប្រាស់នៅក្នុងបណ្តាញ 5G ដែលកំពុងរីកចម្រើនរបស់ពួកគេ ឬថាតើពួកគេនឹងលុតជង្គង់ពីសម្ពាធពីសហរដ្ឋអាមេរិក និងហាមឃាត់ក្រុមហ៊ុន។

លោក Suri បានប្រាប់សារព័ត៌មាន Financial Times ថា វិធីសាស្ដ្រដែលមានលក្ខណៈបែកបាក់កាន់តែខ្លាំងឡើងនៅក្នុងសង្វាក់ផ្គត់ផ្គង់ទូរគមនាគមន៍បង្កឡើងដោយការអះអាងរបស់ទីក្រុងវ៉ាស៊ីនតោនថា ភាពទន់ខ្សោយនៃ Hardware និង Software របស់ក្រុមហ៊ុន Huawei មានន័យថា ឧបករណ៍របស់ខ្លួនអាចជួយសម្រួលដល់ការធ្វើចារកម្ម ហើយទំនងជាពន្យារពេលចេញនូវបច្ចេកវិទ្យា 5G និងធ្វើឲ្យវាកាន់តែថ្លៃ។ ។

លោកបានប្រាប់កាសែតនេះថា ខ្ញុំមិនប្រាកដថា ការបញ្ជាក់ពីផលិតផលតាមប្រទេសនឹងនាំយើងទៅកន្លែងណានោះទេ" ។ យើងកំពុងពន្យល់ថា បណ្តាញ 5G នឹងត្រូវការការធ្វើបច្ចុប្បន្នភាព “Updates” ទៀងទាត់ដែលនឹងត្រូវរំខានដោយសុវត្ថិភាពបន្ថែមទៀត៕