បើនិយាយដល់ប្រទេសឥណ្ឌា នរណាៗក៏បានដឹងដែរថាប្រទេសនេះពោលពេញទៅដោយអរិយធម៌និងវប្បធម៌ដ៏ចំណាស់ ដែលមិនត្រឹមតែប៉ុណ្ណោះវប្បធម៌ឥណ្ឌាក៏បានផ្សព្វផ្សាយនិងហូរចូលទៅក្នុងប្រទេសមួយចំនួននៅក្នុងទ្វីបអាស៊ី ក្នុងនោះក៏មានប្រទេសកម្ពុជាយើងមួយផងដែរ។ ហេតុនេះហើយប្រទេសនេះក៏មានបន្សល់ទុកនូវប្រសាទបុរាណជាច្រើនដែលស្ដីអំពីវប្បធម៌និងស្ថានភាពកាលពីសម័យបុរាណរបស់ខ្លួនដូចគ្នានឹងប្រទេសយើងផងដែរ។

គេបានរកឃើញប្រាសាទបុរាណជាច្រើនដែលបានគិតថាបាត់បង់ទៅហើយជាបន្តបន្ទាប់ ដែលក្នុងនោះមានប្រាសាទ Meenakshi Amman ត្រូវបានគេស្គាល់ផងដែរថាជាប្រាសាទ Minakshi-Sundareshwara គឺជាប្រាសាទមួយក្នុងចំណោមប្រាសាទដែលមានវ័យចំណាស់ជាងគេនិងសំខាន់បំផុតនៅក្នុងប្រទេសឥណ្ឌា ដែលសាងសង់ឡើងដោយព្រះបាទ Kulashekarar Pandyan។ ប្រាសាទនេះមានទីតាំងស្ថិតនៅក្នុងទីក្រុងម៉ាឌូរ៉ៃ ហើយប្រាសាទនេះមានសារៈសំខាន់ខាងទេវកថានិងប្រវត្តិសាស្រ្តដ៏អស្ចារ្យដែលមានតាំងពីស.វទី១មកម្ល៉េះ ព្រោះគេបានសង្កេតឃើញមានតឹកតាងអំពីសម័យស.វទី១។ វាត្រូវបានគេជឿថាព្រះសិវៈបានសន្មតថាព្រះអង្គ Sundareswarar បានអភិសេកជាមួយនឹងប៉ាវ៉ាទី (Meenakshi) នៅកន្លែងដែលប្រាសាទស្ថិតនៅបច្ចុប្បន្ននេះ។ ប្រាសាទ Meenakshi ត្រូវបានគេដាក់ឈ្មោះថាជាអច្ឆរិយវត្ថុមួយនៃពិភពលោក ប៉ុន្តែមិនអាចដាក់បញ្ចូលទៅក្នុងបញ្ជីនៃ “អច្ឆរិយវត្ថុពិភពលោកទាំងប្រាំពីរ” ។ ទោះជាយ៉ាងណាក៏ដោយប្រាសាទនេះពិតជាផ្នែកមួយនៃ "អច្ឆរិយៈវត្ថុរបស់ប្រទេសឥណ្ឌា" មែន។ វាក៏ជាផ្នែកមួយនៃការទាក់ទាញដ៏សំខាន់នៃភាគខាងត្បូងប្រទេសឥណ្ឌាដោយមានអ្នកកាន់សាសនារាប់ពាន់នាក់បានប្រមូលផ្តុំគ្នាជារៀងរាល់ថ្ងៃ។ ក្នុងអំឡុងពេលនៃពិធីបុណ្យ Tirukalyanam ដែលប្រព្រឹត្តទៅក្នុងរយៈពេល 10 ថ្ងៃ ប្រាសាទនេះទាក់ទាញអ្នកចូលរួមជាងមួយលាននាក់។ ទោះបីជាមានមនុស្សជាច្រើនបានមកទស្សនាប្រាសាទនេះជារៀងរាល់ថ្ងៃក៏ដោយ ក៏ប្រាសាទនេះត្រូវបានថែរក្សាយ៉ាងល្អហើយត្រូវបានគេដាក់ឈ្មោះថា “Best Swachh Iconic Place” (កន្លែងនិមិត្ដរូបស្អាតស្អំ) នៅប្រទេសឥណ្ឌា។

(ជំនួយអត្ថបទពី culturalindia និង mystery of india)