ក្មេងប្រុសម្រាមដៃធំបំផុតលើលោកត្អូញត្អែរពីភាពលំបាករបស់ខ្លួនគួរឲ្យអាសូរ

មនុស្សគ្រប់រូបកើតមកតែងប្រាថ្នាចង់បាននូវអ្វីឲ្យដូចគេឯងមាន មិនថាជារូបសម្រស់ ឬទ្រព្យសម្បត្តិឡើយ មនុស្សខ្លះកើតមកក៏មានអ្វីដែលខ្លួនចង់បាន ឯមនុស្សខ្លះទៀតកើតមកក្នុងភាពលំបាកវេទនាទាំងរូបសម្ផស្ស និងទ្រព្យសម្បត្តិផងក៏មាន។

គ្រប់គ្នាមិនអាចប្រឆាំងនឹងព្រហ្មលិខិតបាន តែក៏មិនត្រូវទោរទន់ឲ្យជីវិតយើងកាន់តែលំបាកដែេរ គឺយើងត្រូវចេះតស៊ូទៅនឹងឧបសគ្គដែលកើតមានចំពោះមុខទើបជាការប្រសើរ។ ទន្ទឹមនឹងមានការត្អូញត្អែររបស់មនុស្សមួយចំនួននោះ យើងគួរណាស់តែមើលទៅជនពិការថា ពួកគាត់មានការលំបាកបែបណាខ្លះ?ដូចជាក្មេងប្រុសម្នាក់នេះមានឈ្មោះថា Tarik កើតក្នុងរដ្ ឋUttar Pradesh ក្នុងប្រទេសឥណ្ឌា មានម្រាមដៃធំខុសគេ គឺមិនខុសពីជនពិការនោះទេ ព្រោះមិនអាចធ្វើការអ្វីបានដូចក្មេងដទៃ។ ក្មេងប្រុសអាយុ១២ឆ្នាំរូបនេះ បាននិយាយរៀបរាប់ពីទុក្ខលំបាករបស់គាត់ជាច្រើនដែលគួរឲ្យអាណិតអាសូរណាស់។ គាត់មានម្រាមដៃធំបែបនេះតាំងពីកំណើតមកម្ល៉េះ ហើយលោកឪពុករបស់គេ ធ្លាប់បានយកទៅឲ្យលោកវេជ្ជបណ្ឌិតមើលដែរ ប៉ុន្តែនៅតែព្យាបាលមិនបានព្រោះឆ្អឹងដុះពីកំណើត។គាត់រៀបរាប់បន្តទាំងទឹកមុខបញ្ជាក់ពីការលំបាកទៀតថា គាត់គឺតែងតែទទួលរងនូវការមើលងាយពីសំណាក់មនុស្សទូទៅមិនថា ជាមនុស្សចាស់ ឬក្មេងទេ បើគាត់ដើរទៅផ្សារម្តងៗ តែងមានភ្ញាក់ផ្អើលដល់មនុស្សទូទៅពិសេសក្មេងៗមានការខ្លាចរអាចំពោះគាត់។ រាល់ពេលដែលគាត់ចង់ធ្វើអ្វីមួយតែងមានការជួយពីបងប្អូនក៏ដូចជាឪពុកម្តាយទើបអាចធ្វើបាន សូម្បីតែកាស្លៀកពាក់ គឺបងរបស់គាត់តែងតែជួយពាក់អោយគ្រប់ពេល។ រូបគេបន្ថែមទាំងទឹកភ្នែកថា ខ្លួនចង់ដូចក្មេងដទៃដែលអាចទៅសាលារៀន បានលេងជាមួយមិត្តភ័ក្ដិផ្សេងទៀត៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។