តើមូលហេតុអ្វីទៅដែលធ្វើឲ្យមនុស្សប្រហែលជា៧០ភាគរយនៅទូទាំងពិភពលោកកើតមុនក្បាលខ្មៅនៅលើច្រមុះ?

កក្តាចម្បងដែលបណ្តោលឲ្យកើតមុនក្បាលខ្មៅ គឺការកកស្ទះធូលីនៅក្នុងរន្ធញើស បាក់តេរី និងកោសិកាស្បែកងាប់ៗមិនបានជម្រះចេញពីផ្ទៃស្បែក។ ក៏ប៉ុន្តែ បញ្ហាសម្រស់មួយនេះអាចដោះស្រាយបាន ដោយប្រើរូមបន្តងាយៗ គឺថ្នាំដុសធ្មេញ ផ្សំជាមួយនឹងអំបិល។

របៀបប្រើថ្នាំដុសធ្មេញកម្ចាត់មុនក្បាលខ្មៅ៖

១.ច្របាច់ថ្នាំដុសធ្មេញចំនួនមួយស្លាបព្រាកាហ្វេ ដាក់ចូលទៅក្នុងចានមួយ។

២.បន្ថែមអំបិលបន្តិច ហើយលាយធាតុផ្សំទាំងពីរមុខនេះបញ្ចូលគ្នាឲ្យសព្វល្អ។

៣.អ្នកត្រូវស្ទើមមុខជាមុនសិន ដើម្បីឲ្យរន្ធញើសបើក និងសម្អាតភាពកខ្វក់ចេញ។

៤.អនុវត្តស្តើងៗនៅលើច្រមុះ ហើយទុករយ:ពេល ៥នាទី។ បន្ទាប់មកទៀត បន្តក់ទឹកពីរបីដំណក់ត្រង់តំបន់នេះ និងត្រដុសចលនារាងជារង្វង់ថ្នមៗចំនួន ២នាទី។

៥.ប្រើដុំទឹកក លុញពីលើច្រមុះដើម្បីបង្រួមរន្ធញើសរបស់អ្នកទៅវិញ។ ពេលនេះ ច្រមុះរបស់នឹងឡើងក្រហម ប៉ុន្តែមួយស្របក់ក្រោយមកវានឹងបាត់ទៅវិញ។

៦.ប្រសិនបើអ្នកមានស្បែកស្ងួតខ្លាំង ត្រូវប្រើក្រែមផ្តល់សំណើមដើម្បីជំនួយ ហើយនៅក្នុងរយ:ពេលមួយសប្តាហ៍ មុនក្បាលខ្មៅនឹងបាត់បន្តិចម្តងៗរហូតទាល់តែអស់។

ចំណាំ៖ ចំពោះអ្នកដែលមានស្បែកស្ងួត ឬប្រតិកម្ម មិនត្រូវប្រើរូបមន្តមួយនេះឡើយ៕