Everton បានព្រមព្រៀងទិញ Kean ពី Juventus ហើយ ក្រោយលក់ Gueye ឲ្យ PSG

#កីឡា# #Everton# #បាល់ទាត់អន្តរជាតិ#

ក្នុងពេលអម្បាញ់មិញនេះ បើតាមសារព័ត៌មាន The Guardian បានឲ្យដឹងថា ក្លឹប Everton បានព្រមព្រៀងជាមួយក្លឹប Juventus ក្នុងការនាំចូលខ្សែប្រយុទ្ធវ័យ ១៩ឆ្នាំកីឡាករ Moise Kean។បើតាមសារព័ត៌មានដដែលបានឲ្យដឹងថា ក្លឹប Everton អាចនឹងចំណាយលុយជាង ៤៤លានដុល្លារ បូករួមនឹងទឹកប្រាក់បន្ថែមមួយចំនួនទៀត។

កីឡាកររូបនេះ ត្រូវបានគេរំពឹងថា នឹងធ្វើដំណើរមកកាន់ប្រទេសអង់គ្លេស នៅថ្ងៃពុធ ដើម្បីសម្រេចបែបបទផ្សេងៗ។ក្នុងថ្ងៃនេះដែរ Everton ក៏បានលក់កីឡាកររបស់ខ្លួនមួយរូបទៅកាន់ក្លឹបយក្សបារាំង Paris Saint-Germain ក្នុងតម្លៃខ្លួនជាង ៣៥លានដុល្លារ។ កីឡាករនោះគឺ ខ្សែបម្រើសេណេហ្គាល់កីឡាករ Idrissa Gueye។Everton បាននាំចូលកីឡាកររូបនេះ ក្នុងតម្លៃតែជាង ១០លានដុល្លារ ពីក្លឹប Aston Villa កាលពីឆ្នាំ២០១៦៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។