សម្រាប់ខ្មែរយើងគឺគេអាចដឹងច្បាស់ពីអត្តចរឹតមនុស្សម្នាក់ៗតាមរយៈថ្ងៃកំណើតឬឆ្នាំកំណើតទាំង ១២ និងតម្រារបស់ខ្មែរយើង។ ប៉ុន្តែសម្រាប់បរទេសវិញ គេពេញនិយមបំផុតគឺគេមើលតាម Zodiac ឬគេហៅថា តារានិករ។

តារានិករគឺមាន ១២ ដូចឆ្នាំទាំង ១២ យើងដែរប៉ុន្តែគេមិនរាប់តាមឆ្នាំកំណើតដូចយើងនោះទេគឺគេគិតតាមថ្ងៃនិងខែកំណើតតើចូលនឹងតារានិករមួយណានោះគេនឹងអាចមើលដឹងពីមនុស្សម្នាក់នោះបាន។ ដូច្នេះកុំឲ្យគេសួរថាតារានិករអ្នកជាអ្វីហើយយើងមិនដឹងចឹងចង់ដឹងកាន់តែច្បាស់ពីតារានិករនីមួយៗ មកមើលអត្ថបទខាងក្រោមទាំងអស់គ្នា៖

១. Aquarius - អាឃ្វេរៀស៖

តំណាងឲ្យមនុស្សកាន់ថូរទឹក។ គឺសម្រាប់អ្នកដែលកើតថ្ងៃទី ២០ មករា ដល់ ១៨ កុម្ភៈ។

២. Pisces - ផាយស៊ីស៖

តំណាងឲ្យសត្វត្រី។ គឺសម្រាប់អ្នកដែលកើតថ្ងៃទី ១៩ កម្ភៈ ដល់ ២០ មិនា។

៣. Aries -អ៊ែរ៉ីស៖

តំណាងឲ្យសត្វចៀមឈ្មោល។ គឺសម្រាប់មនុស្សដែលកើតថ្ងៃទី ២១ មិនា ដល់ ១៩ មេសា។

៤. Taurus-តូរ៉ឺស៖

តំណាងឲ្យសត្វគោជល់។ គឺសម្រាប់មនុស្សដែលកើតថ្ងៃទី ២០ មេសា ដល់ ២០ ឧសភា។

៥. Gemini- ជឺមីណាយ៖

តំណាងឲ្យស្រ្តីភ្លោះ។ គឺសម្រាប់មនុស្សដែលកើតថ្ងៃទី ២១ ឧសភា ដល់ ២១ មិថុនា។

៦. Cancer_ ខេនស៊ឺ៖

តំណាងឲ្យសត្វក្តាម។ គឺសម្រាប់មនុស្សដែលកើតថ្ងៃទី ២២ មិថុនា ដល់ ២២ កក្កដា។

៧. Leo- លីអូ៖

តំណាងឲ្យសត្វតោ។ គឺសម្រាប់មនុស្សដែលកើតថ្ងៃទី ២៣ កក្កដា ដល់ ២២ សីហា។

៨. Virgo-វឺហ្គោ៖

តំណាងឲ្យស្រីក្រមុំ។ គឺសម្រាប់មនុស្សដែលកើតថ្ងៃទី ២៣ សីហា ដល់ ២២ កញ្ញា។

៩. Libra- លីប្រា៖

តំណាងឲ្យជញ្ជីង។ គឺសម្រាប់មនុស្សដែលកើតថ្ងៃទី ២៣ កញ្ញា ដល់ ២២ តុលា។

១០. Scorpio- ស្កូពីអូ៖

តំណាងឲ្យសត្វខ្យាដំរី។ គឺសម្រាប់មនុស្សដែលកើតថ្ងៃទី ២៣ តុលា ដល់ ២១ វិច្ឆិកា។

១១. Sagittarius- សាជីតថេរៀស៖

តំណាងឲ្យមនុស្សពាក់កណ្តាលសេះកាន់ធ្នូ។ គឺសម្រាប់មនុស្សដែលកើតថ្ងៃទី ២២ វិច្ឆិកា ដល់ ២១ ធ្នូ។

១២. Capricorn- ខាព្រីខន៖

តំណាងឲ្យសត្វពពែ។ គឺសម្រាប់មនុស្សដែលកើតថ្ងៃទី ២២ ធ្នូ ដល់ ១៩ មករា៕ ដោយ៖ Orchid