ប្រព័ន្ធផ្សព្វផ្សាយយក្សមួយនេះបានប្រកាសពីគោលការណ៍យ៉ាងច្រើនស្របពេលដែលមានព័ត៌មានថាខ្លួននឹងមិនទទួលយកការផ្សាយពាណិជ្ជកម្មនយោបាយទៀតទេបន្ទាប់ពីការបោះឆ្នោតជ្រើសប្រធានាធិបតីនៅថ្ងៃទី៣ ខែវិច្ឆិកា។

បច្ចុប្បន្ន Facebook មិនមែនលុបតែ Ads ផ្សាយនយោបាយនោះទេ ក្រុមហ៊ុនកំពុងចាត់វិធានប្រាកដប្រជាក្នុងការការបង្ការទុកជាមុនមុនការបោះឆ្នោតប្រធានាធិបតីអាមេរិកឆ្នាំ ២០២០ ហើយវិធានការណ៍ចុងក្រោយបំផុតគឺពាក់ព័ន្ធនឹងការផុសផ្សាយ “ខ្លឹមសារបំភិតបំភ័យដល់អ្នកបោះឆ្នោត”។

ជាពិសេសអន្តរការី Facebook កំពុងឃ្លាំមើល “ការអំពាវនាវឲ្យប្រជាជនចូលរួមសង្កេតការស្ទង់មតិនៅពេលការផ្សាយអស់នោះប្រើភាសាយោធា ឬស្នើអ្វីមួយទាក់ទងនឹងការបំភិតបំភ័យ គ្រប់គ្រង ឬបង្ហាញអំណាចលើមន្ត្រីបោះឆ្នោតក៏ដូចជាអ្នកបោះឆ្នោតដែរ។ ហើយចំពោះខ្លឹនសារផ្សព្វផ្សាយដែលមានពាក់ព័ន្ធនឹងបម្រាម និងការឃ្លាំមើលដែលបានលើកឡើងនេះ Facebook នឹងធ្វើការលុបចោលតែម្ដង។ ប្រែសម្រួលដោយ៖ រីតា