ព្រះអគ្គសាវកស្តាំឈ្លាសវៃក្នុងធម៌៥ប្រការ

#ព្រះបរមសាស្តា# #ការនិយាយ# #សិល្បៈ និងវប្បធម៌# #ពុទ្ធបរិស័ទ# #ចំណេះដឹង#

1221

ព្រះបរមសាស្តាត្រាស់ថា ម្នាលភិក្ខុទាំងឡាយព្រះសារីបុត្រជាអ្នកឈ្លាសវៃក្នុងកិច្ចសព្វបែបយ៉ាង ហើយតែងប្រកបដោយធម៌៥ប្រការដែលជាកំពូលអ្នកមានបញ្ញាក្នុងលោក ។

ធម៌៥ប្រការនោះតើដូចម្តេច ? ធម៌៥ប្រការនោះគឺ ៖

១- ស្គាល់អត្ថ បានដល់ស្គាល់ប្រយោជន៏ទាំងឡាយបានដល់ស្គាល់ហេតុបច្ច័យ

២- ស្គាល់ធម៌បានដល់ស្គាល់ធម៌គួរនិងមិនគួរប្រព្រឹត្តទៅ

៣- ស្គាល់ប្រមាណ បានដល់ស្គាល់ប្រមាណក្នុងការទទួល និងការបរិភោគបច្ច័យ៤ គឺគ្រឿងស្លៀកដណ្តប់ អាហារបិណ្ឌបាត ទីសេនាសនៈ ថ្នាំកែរោគ

៤- ស្គាល់កាល បានដល់ស្គាល់កាលថា កាលនេះជាកាលគួរនៅក្នុងទីស្ងប់ស្ងាត់ កាលនេះជាកាលសម្តែងធម៌ កាលនេះជាកាលចារិកទៅតាមជនបទ

៥- ស្គាល់បរិស័ទ បានដល់ស្គាល់ថា នេះជាខត្តិយបរិស័ទ នេះជាព្រាហ្មណ៍បរិស័ទ នេះជាគហបតីបរិស័ទ នេះជាសមណបរិស័ទ ស្គាល់ការនិយាយ ការធ្វើចំពោះប្រជុំជនធ្វើដូចម្តេចទើបសមល្មមនឹងបរិស័ទនោះៗ ។

ធម៌៥ប្រការនេះមិនមែនសម្រាប់តែអ្នកបួសនោះទេ គួរកើតមានដល់មនុស្សទូទៅផងដែរព្រោះជាធម៌ប្រកបដោយប្រយោជន៍ញុំាងសត្វលោកឱ្យប្រព្រឹត្តទៅក្នុងផ្លូវសុខក្សេមក្សាន្ត ។ ផ្តល់សិទ្ធដោយ៖កោះសន្តិភាព

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។