
TNAOT News
· 2024-09-03
ភ្លៀងធ្លាក់ខ្លាំងចាប់តាំងពីដើមខែកក្កដា បណ្តាលឲ្យប្រទេសប៉ាគីស្ថានរងផលប៉ះពាល់យ៉ាងធ្ងន់ធ្ងរ
#NEW NEWS# #ព័ត៌មាន# #ប្រទេសប៉ាគីស្ថាន# #ភ្លៀងធ្លាក់ខ្លាំង# #ព័ត៍មានអន្តរជាតិ# #រងផលប៉ះពាល់#
10146
យោងតាមអាជ្ញាធរគ្រប់គ្រងគ្រោះមហន្តរាយជាតិបានឲ្យដឹងថា មនុស្សសរុបចំនួន ២៩៣នាក់ស្លាប់ និង ៥៦៤នាក់ផ្សេងទៀតរងរបួសបង្កឡើងដោយភ្លៀងមូសុងនៅប្រទេសប៉ាគីស្ថានក្នុងរយៈពេល ២ ខែចុងក្រោយនេះ ខណៈដែលភ្លៀងធ្លាក់ខ្លាំងបានបន្តបំផ្លិចបំផ្លាញតំបន់មួយចំនួននៅក្នុងប្រទេស។
អាជ្ញាធរប៉ាគីស្ថាន បាននិយាយថា ភ្លៀងធ្លាក់ខ្លាំងបណ្តាលឲ្យខូចខាតផ្ទះចំនួន ១៩ ៥៧២ខ្នង ស្ពានចំនួន ៣៩ និងសាលារៀនជាច្រើននៅទូទាំងប្រទេស រួមទាំងសត្វពាហនៈជិត ១ ០៧៧ក្បាលស្លាប់ ចាប់ពីថ្ងៃទី១ ខែកក្កដា ដល់ថ្ងៃទី ៣១ ខែសីហា។
តំបន់ដែលរងផលប៉ះពាល់ច្រើនជាងគេត្រូវបានរាយការណ៍ពីខេត្ត Punjab ភាគខាងកើត ដែលមានមនុស្ស ១១២នាក់ស្លាប់ និង ៣០២នាក់ផ្សេងទៀតរងរបួសដោយសារភ្លៀងធ្លាក់ខ្លាំង។ ខេត្តដែលរងផលប៉ះពាល់បន្ទាប់គឺខេត្ត Khyber Pakhtunkhwa ភាគពាយ័ព្យមានមនុស្សស្លាប់ចំនួន ៨៨ នាក់និងរបួស ១២៩នាក់។
សូមបញ្ជាក់ដែរថា ភ្លៀងធ្លាក់ពីមធ្យមទៅច្រើនត្រូវបានគេរំពឹងថានឹងកើតមាននៅតំបន់មួយចំនួននៃប្រទេសប៉ាគីស្ថានក្នុងរយៈពេលប៉ុន្មានថ្ងៃខាងមុខនេះផងដែរ៕
សម្របសម្រួលអត្ថបទដោយ៖ ម៉ារីណា
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
តារាចម្រៀងម៉ាឡេស៊ី និង YouTuber អាយុ ២៣ឆ្នាំ រកឃើញស្លាប់នៅក្រោមស្ពាន បន្ទាប់ពីគ្រួសារបប្រកាសពីបាត់ខ្លួនរបស់លោក

តារាម៉ូដែលហុងកុង អាយុ ២៤ ឆ្នាំ ត្រូវបានគេប្រទះឃើញដេក ស្លាប់ក្នុងផ្ទះល្វែង នៅទីក្រុងបាងកក

ខែថ្មីពោរពេញដោយក្ដីស្រឡាញ់ សម្រាប់អ្នកឆ្នាំទាំង ៣ នេះ នឹងមានដំណឹងល្អក្នុងរឿងស្នេហា នៅខែកក្កដានេះ

រមណីយដ្ឋានកោះ របស់ប្រទេសម៉ាល់ឌី មិនទទួលស្វាគមន៍ជនជាតិអ៊ីស្រាអែល

យោបល់ទាំងអស់ (0)