លោក ជឿន ប៊ុនចក់ ដែលភាគច្រើនស្គាល់លោក ក្នុងឈ្មោះថា Admin ជីងចក់ ជាអ្នកអត្ថាធិប្បាយការប្រកួតកីឡាដ៏ល្បីមួយរូបក្នុងបណ្តាញសង្គម បានបង្ហោះវីដេអូឃ្លីបខ្លីមួយកាលពីថ្ងៃទី១៨ ខែមីនា ឆ្នាំ២០២៥ សុំទោសទៅកាន់ផលិតកម្ម Galaxy Navatra ដែលកន្លងមកលោកធ្លាប់បានប្រើពាក្យឌឺដងលើសលួសប៉ះពាល់ដល់ក្រុមហ៊ុន។

ក្នុងនោះអ្នកអធិប្បាយកីឡារូបនេះបានលើកឡើងថា៖ «ខ្ញុំបាទ ជីងចក់ សូមធ្វើការសុំទោសដល់ក្រុមហ៊ុន Galaxy Navatra Group និង ផលិតកម្ម Galaxy Navatra ដែលកន្លងមកខ្ញុំបាននិយាយញ៉ុះញុងឌឺដងលេងដើចលើសលស់ធ្វើប៉ះពាល់កិត្តិយស និងសេចក្ដីថ្លៃថ្នូររបស់ក្រុមហ៊ុន សង្ឃឹមថាក្រុមហ៊ុន មេត្តាអភ័យទោសដល់ខ្ញុំបាទដោយក្ដីអនុគ្រោះ ប្រសិនបើមានការធ្វើបែបនេះលើកក្រោយទៀតលោកនឹងហ៊ានប្រឈមមុខចំពោះមុខច្បាប់»។

ក្រោយពីបានឃើញបែបនេះហើយគ្រប់គ្នាមានការភ្ញាក់ផ្អើលយ៉ាងខ្លាំង ខណៈ លោក ចក់ ទើបតែមានមុខក្នុង MV បទ«សៅអើយនាងសៅ» រួមគ្នាជាមួយលោកឧកញ៉ា ខេមរៈ សិរីមន្ត របស់ផលិតកម្ម Galaxy Navatra ស្រាប់តែកន្លងមិនបានប៉ុន្មានសប្ដាហ៍ផង បែបជាចេញនូវឃ្លីបសុំទោសបែបនេះ ធ្វើឲ្យគ្រប់គ្នាសម្ដែងការងើងឆ្ងល់ និងបានចូលខមិនបែបលេងសើចជាច្រើនហូរហែរ ដោយលើកឡើងស្រដៀងៗគ្នាថា« ពូចក់ពីមុនបាត់ទៅណា?សងពូចក់ខ្ញុំពីមុនមកវិញមក»៕ សម្រួលដោយ៖ Sun Darasy