ថ្លែងអោយដឹងនៅក្នុងសន្និសិទ្ធសារព័ត៌មាន មុនប្រកួតមិត្តភាពអន្តរជាតិ MinebeaMitsumi នាពហុកីឡដ្ឋានជាតិ (អូឡាំពិក) កាលពីព្រឹកថ្ងៃទី២៤ ខែមីនា ឆ្នាំ២០២៥ គ្រូបង្វឹកបាល់ទាត់ក្រុមជម្រើសកម្ពុជា លោក លោក Koji Gyotoku បានលើកឡើងថា ការប្រកួតថ្ងៃស្អែកនេះ ក្រុមកីឡាបាល់ទាត់ជម្រើសជាតិកម្ពុជា នឹងបង្ហាញទម្រង់លេងអោយល្អបំផុតដល់អ្នកទស្សនា និងបណ្ដាអ្នកគាំទ្របាល់ទាត់កម្ពុជា។ ថ្លែងអោយដឹងនៅក្នុងសន្និសិទ្ធសារព័ត៌មាន មុនប្រកួតមិត្តភាពអន្តរជាតិ MinebeaMitsumi នាពហុកីឡដ្ឋានជាតិ (អូឡាំពិក)គ្រូបង្វឹកឈុតធំកម្ពុជា លោក Koji Gyotoku បានបង្ហាញក្ដីបារម្ភទៅលើការតទល់ជាមួយក្រុមជម្រើសជាតិអារ៉ូបា ត្បិតបើមើលពីកាយសម្បទា និងបច្ចេកទេសលេង ពួកគេអាចនឹងល្អជាងក្រុមជម្រើសជាតិកម្ពុជា។ 

« យើងធ្លាប់តែលេងជាមួយក្រុមក្នុងតំបន់ តែលើកនេះ យើងបានលេងជាមួយក្រុមមកពីតំបន់ផ្សេង ។ អ៊ីចឹងទម្រង់លេងរបស់គេ អាចនឹងមានការប្លែក។ នេះជាបទពិសោធន៍មួយថ្មីសម្រាប់យើង ហើយក៏វាជាផលល្អមួយសម្រាប់ក្រុមជម្រើសជាតិផងដែរ»

គ្រូបង្វឹកសញ្ជាតិជប៉ុនរូបនេះ បានលើកឡើងថា លោកនៅតែមានក្ដីបារម្ភទៅលើលទ្ធផលប្រកួតថ្ងៃស្អែក ដោយសារបច្ចុប្បន្នក្រុមជម្រើសជាតិកម្ពុជាទើបបញ្ចប់ការប្រកួតមិត្តភាពអន្តរជាតិជាមួយវៀតណាមកាលពីពេលថ្មីៗនេះ។ 

លោកលើកឡើងយ៉ាងដូច្នេះថា “ខ្ញុំគិតថា បើយើងមិនទាន់ដល់ម៉ោងចូលប្រកួតមែនទែន យើងមិនទាន់អាចសម្រេចបានលទ្ធផលបែបណានោះទេ ប៉ុន្តែយើងនៅតែរំពឹងថាគ្រប់ការប្រកួតទាំងអស់ ពួកយើងគឺសង្ឃឺមទទួលបានលទ្ធផល ហើយនិងឈ្នះ” 

លោក Marvic Bermudez គ្រូបង្វឹកបាល់ទាត់ក្រុមជម្រើសជាតិអារ៉ូបា បានលើកឡើជាមួយគ្នាលោក Marvic Bermudez គ្រូបង្វឹកក្រុមជម្រើសជាតិអារូបា បានសម្ដែងក្ដីរីករាយ ចំពោះការមកប្រកួតមិត្តភាពអន្ដរជាតិនៅកម្ពុជា ទោះបីក្រុមខ្លួនបានធ្វើដំណើរវែងឆ្ងាយក៏ដោយ។ លោកបានសម្ដែងការភ្ញាក់ផ្អើល ចំពោះការស្វាគមន៍ និងភាពរីកចម្រើននៃហេដ្ឋារចនាសម្ព័ន្ធបាល់ទាត់កម្ពុជា ។ យ៉ាងណាលោកថា ចំណាត់ថ្នាក់ពិភពលោកក្រុមទាំងពីរ ប្រហាក់ប្រហែលគ្នា។ ដូច្នេះការប្រកួតថ្ងៃស្អែក នឹងក្លាយជាការប្រកួតដ៏គួរឲ្យចាប់អារម្មណ៍មួយ ។

គួរដឹងថា កំឡុងថ្ងៃសម្រាក FIFA Day នាដើមឆ្នាំ២០២៥ នេះ ក្រុមទាំងពីរ បានប្រកួតមិត្តភាពអន្ដរជាតិ ១ប្រកួតម្នាក់រួចមកហើយ មុនជួបគ្នាថ្ងៃស្អែក ដោយប្រកួតដំបូងរបស់ក្រុមគោព្រៃកម្ពុជា គឺចាញ់ក្រុមម្ចាស់ផ្ទះវៀតណាម ២-១ គ្រាដែលប្រកួតដំបូងរបស់ក្រុមជម្រើសជាតិអារូបា ចាញ់ក្រុមវិសាខា សមាជិកលីគកំពូលកម្ពុជា ៣-១ កាលពីចុងសប្ដាហ៍កន្លងទៅ ៕