១. ពិធីបុណ្យទន្លេនៅខេត្តតាកែវ បានទាក់ទាញភ្ញៀវទេសចរជាតិ និងអន្តរជាតិប្រមាណជាង ៣០ម៉ឺននាក់

ពិធីបុណ្យទន្លេ នៅខេត្តតាកែវ រយ:ពេល ៣ថ្ងៃ ចាប់ពីថ្ងៃទី២១ដល់ថ្ងៃ២៣ ខែមីនា ឆ្នាំ២០២៥ បានទាក់ទាញបងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ មកចូលរួមលេងកម្សាន្តប្រមាណជាង ៣០ម៉ឺននាក់។

២. បណ្ឌិត សុខ ទូច៖ ភាសាចិនក្លាយជាភាសាទី៣ នៃភាសាប្រើប្រាស់ជាសាធារណៈនៅកម្ពុជា 

ភាសាចិនបានដើរតួនាទីយ៉ាងសំខាន់នៅកម្ពុជា ក្លាយទៅជាភាសាទី៣ នៃព្រះរាជាណាចក្រកម្ពុជា ខណៈរាជបណ្ឌិតសភាកម្ពុជា ក៏បានបើកនៅគរុកោសល្យភាសាចិន ដើម្បីបង្រៀនឲ្យគ្រូបង្រៀនភាសាចិនបានក្លាយទៅជាសរសៃឈាមនៅក្នុងប្រព័ន្ធអប់រំនៅកម្ពុជា និងជម្រុញឲ្យភាសាចិនក្លាយទៅជាភាសាទី៣ នៃភាសាដែលត្រូវបានប្រើប្រាស់ជាសាធារណៈនៅកម្ពុជា។

៣. រោងចក្រកែច្នៃផ្លែឈើមួយក្នុងខេត្តបាត់ដំបងបញ្ចេញសំណល់រាវបង្កផលប៉ះពាល់ដល់ការរស់នៅរបស់ប្រជាពលរដ្ឋ 

ក្រុមការងារជំនាញក្រសួងបរិស្ថានរកឃើញមានផលប៉ះពាល់ដល់ការរស់នៅរបស់ប្រជាពលរដ្ឋដោយសារការបញ្ចេញសំណល់រាវរបស់រោងចក្រកែច្នៃផ្លែឈើរបស់ក្រុមហ៊ុន ប៉ៃសិងសេង ខេមបូឌា អិនដាសស្ទ្រី ខូអិលធីឌីនៅក្នុងស្រុករតនមណ្ឌល ខេត្តបាត់ដំបង។ 

៤. ក្នុងរយៈពេលយ៉ាងខ្លី កម្ពុជាក្លាយជាប្រទេសគំរូសម្រាប់ពិភពលោកចំពោះការងារ ទប់ស្កាត់ជម្ងឺរបេងប្រកបដោយប្រសិទ្ធភាព 

សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជាបានលើកឡើងថា កម្ពុជាបានសម្រេចសមិទ្ធផលគួរជាទីមោទនៈ ក្នុងការប្រយុទ្ធនឹងជំងឺរបេងអស់ រយៈពេលប៉ុន្មានឆ្នាំកន្លងមកនេះ ខណៈដែលប្រមាណពី២០ឆ្នាំមុន ប្រទេសកម្ពុជាស្ថិតក្នុងចំណោមប្រទេសដែល មានអត្រាអ្នកកើតជំងឺរបេងខ្ពស់ជាងគេក្នុងពិភពលោក តែក្នុងរយៈពេលយ៉ាងខ្លី កម្ពុជាបានក្លាយជាប្រទេសគំរូមួយ សម្រាប់ពិភពលោកចំពោះការងារកំចាត់ជំងឺរបេងយ៉ាងសកម្ម និងប្រកបដោយប្រសិទ្ធភាព។ 

៥. តួកគីបញ្ជូនអភិបាលក្រុងអ៊ីស្តង់ប៊ុលទៅកាន់ពន្ធនាគារ មុនពេលកាត់ក្តីបណ្ដាលឱ្យក្រុមប្រឆាំងខឹងសម្បារយ៉ាងខ្លាំង 

តុលាការតួកគីកាលពីថ្ងៃទី ២៣ ខែមីនា ឆ្នាំ២០២៥ បានកាត់ទោសអភិបាលក្រុងអ៊ីស្តង់ប៊ុល លោក Ekrem Imamoglu ដែលជាគូប្រជែងនយោបាយដ៏សំខាន់របស់ប្រធានាធិបតី Tayyip Erdogan ដោយរង់ចាំការកាត់ក្តីលើការចោទប្រកាន់ពីបទពុករលួយក្នុងសកម្មភាពដែលបង្កឱ្យមានការតវ៉ាដ៏ធំបំផុតរបស់ប្រទេសក្នុងរយៈពេលជាងមួយទសវត្សរ៍។

៦. អ៊ុយក្រែន និងអាម៉េរិកជួបពិភាក្សាគ្នានៅប្រទេសអារ៉ាប៊ីសាអូឌីត ដើម្បីឈានទៅរកការបញ្ចប់សង្រ្គាម 

រដ្ឋមន្ត្រីការពារជាតិអ៊ុយក្រែនបាននិយាយថា គណៈប្រតិភូអ៊ុយក្រែន និងសហរដ្ឋអាមេរិកបានពិភាក្សាកាលពីថ្ងៃអាទិត្យ (២៣ មីនា) នូវសំណើដើម្បីការពារបរិក្ខារថាមពល និងហេដ្ឋារចនាសម្ព័ន្ធសំខាន់ៗ ដែលជាផ្នែកមួយនៃការជំរុញការទូតដោយប្រធានាធិបតីអាម៉េរិក លោក Donald Trump ដើម្បីបញ្ចប់សង្គ្រាមរយៈពេលបីឆ្នាំ។ 

៧. វេទិកាកម្រិតខ្ពស់នៃធនាគារខួរក្បាលកម្ពុជា-ចិនលើកទី៤ បានចូលរួមយ៉ាងសំខាន់ក្នុងការផ្សព្វផ្សាយចំណេះដឹងទាក់ទងនឹងGDI 

នៅក្នុងប្រទេសកម្ពុជា ការយល់ដឹងជាទូទៅអំពី កិច្ចសហប្រតិបត្តិការកម្ពុជា-ចិន ក្នុងបរិបទគំនិតផ្តួតផ្តើមអភិវឌ្ឍន៍សាលក (GDI) នៅមានកម្រិត ហេតុនេះវេទិកាកម្រិតខ្ពស់នៃធនាគារខួរក្បាលកម្ពុជា-ចិនលើកទី៤ ស្តីពី ក្របខណ្ឌកិច្ចសហប្រតិបត្តិការត្បូងពេជ្រ : ទំព័រថ្មីនៃសហគមន៍កម្ពុជា-ចិនដែលមានអនាគតរួមគ្នាក្នុងយុគសម័យថ្មី ដែលមានប្រធានបទរងវគ្គទី១ ពាក់ព័ន្ធកិច្ចសហ្របតិបត្តិការក្នងតំបន់និងសកល និងការគាំទ្រដ៏រឹងមាំ និងការចូលរួមយាងសកម្ម របស់កម្ពុជាក្នងគំនិផ្តួចផ្តើមអភិវឌ្ឍន៍សកល និងគំនិតផ្តចេផ្តើមសន្តិសុខសកលរបស់ប្រទេសចិន បានដើរតួនាទីយ៉ាងសំខាន់ក្នុងការផ្សព្វផ្សាយទៅកាន់សាធារណជនឲ្យយល់ដឹងបន្ថែមអំពីGDI។ 

៨. សមត្ថកិច្ចជំនាញចុះបង្ក្រាបទីតាំងកែច្នៃនិងនាំចូលរថយន្តខុសច្បាប់របស់ជនជាតិចិនមួយកន្លែងក្នុងភូមិសាស្ត្រខេត្តបាត់ដំបង 

ប្រធានមន្ទីរស្រាវជ្រាវ និងបង្រ្កាបបទល្មើសនៃកងរាជអាវុធហត្ថខេត្តបាត់ដំបង លោកវរសេនីយ៍ទោ សូ ឌី នាព្រឹកថ្ងៃទី២៤ ខែមីនា ឆ្នាំ២០២៥ នេះបានបញ្ជាក់ថាកម្លាំងជំនាញរបស់កងរាជអាវុធហត្ថខេត្តបាត់ដំបង បាននិងកំពុងចាត់ការតាមនីតិវិធីច្បាប់ ពាក់ព័ន្ធនឹងករណីការចុះបង្រ្កាបទីតាំងកែច្នៃរថយន្ត ដាប់លេខរថយន្ត នឹងនាំចូលរថយន្តខុសច្បាប់របស់ជនជាតិចិននៅស្រុករតនមណ្ឌល។ 

៩. ភ្លើងឆេះព្រៃបានឆាបឆេះនៅភាគខាងលិចប្រទេសជប៉ុន បណ្តាលឲ្យខូចខាចផ្ទះជាច្រើនខ្នង ខណៈហេតុការណ៍មួយនេះ មិនបង្ករឲ្យមនុស្សរងរបួសឡើយ 

ភ្លើងឆេះព្រៃនៅក្នុងខេត្តភាគខាងលិចប្រទេសជប៉ុនចំនួនពីរបានរីករាលដាលរហូតដល់ថ្ងៃច័ន្ទនេះ បើទោះបីជាមានការខិតខំប្រឹងប្រែងពន្លត់ភ្លើងពេញមួយយប់ដោយរដ្ឋាភិបាលក្នុងតំបន់បានបញ្ជាឲ្យប្រជាជនជិត ២,៨០០ នាក់ជម្លៀសចេញ។ ឧទ្ធម្ភាគចក្ររបស់កងកម្លាំងស្វ័យការពារដីគោក បានចូលរួមកិច្ចខិតខំប្រឹងប្រែងដើម្បីគ្រប់គ្រងការឆាបឆេះនៅព្រឹកថ្ងៃច័ន្ទនេះតាមសំណើរបស់អភិបាលខេត្ត Okayama និងEhime។ 

១០. ឯកឧត្តម ស សុខា៖ ចាត់ទុកទីតាំងកម្សាន្តលើផ្លូវថ្មើរជើង ជាកម្លាំងចលករយ៉ាងសំខាន់ជម្រុញវិស័យទេសចរណ៍កម្ពុជាកាន់តែខ្លាំង 

ឯកឧត្តមអភិសន្ដិបណ្ឌិត ស សុខា រដ្ឋមន្ដ្រីក្រសួងមហាផ្ទៃ បានអំពាវនាវប្រជាពលរដ្ឋ យុវជន យុវនារី សិស្ស-និស្សិត ចូលរួមដើរកម្សាន្តលើផ្លូវថ្មើរជើងឱ្យបានច្រើនកុះករ ដើម្បីជំរុញបន្ថែមវិស័យទេសចរណ៍ក្នុងរាជធានីភ្នំពេញឱ្យកាន់តែប្រសើរឡើងថែមទៀត។