អ្នកនាង ជីមមី ដែលគ្រប់គ្នាស្គាល់យ៉ាងច្បាស់ថាជាពិធីការិនី និងជាម្ចាស់ប្រេនដ៏មានឈ្មោះល្បីម្នាក់ក្នុងបណ្ដាញសង្គម បានអង្រួតចិត្តមហាជនឲ្យចាប់អារម្មណ៍នូវវីដេអូឃ្លីបមួយប្រមាណជាជាង ៦នាទី បង្ហាញពីសកម្មភាពតារាស្រីរូបនេះធ្វើដំណើរកម្សាន្តនៅក្រៅប្រទេសចូលរួមទស្សនាក្នុងរោងមហោស្រពធំជាងគេក្នុងពិភពលោក ស្ថិតនៅទីក្រុង Las Vegas សហរដ្ឋអាម៉េរិក។

ប៉ុន្តែ អ្វីដែលគ្រប់គ្នាកាន់តែចាប់អារម្មណ៍ខ្លាំង និងមានការចែករំលែកបន្តយ៉ាងច្រើននោះ គឺដោយសារតែ Show ក្នុងមហាស្រពដ៏ធំសម្បើមនោះមានរំលេចឡើងនៅទស្សនីយភាព ប្រាសាទខ្មែរ លើLEDតម្លៃ ២.៣ ពាន់លានដុល្លារ។

យ៉ាងណាមិញ ក្រោយបានទស្សនាពីវីដេអូនេះហើយ មហាជនជាច្រើនបានបង្ហាញពីអារម្មណ៍រំភើប និងមានមោទនភាពយ៉ាងខ្លាំង ដែលប្រាសាទខ្មែរដ៏ចំណាស់របស់យើង អាចបង្ហាញឲ្យអ្នកទស្សនាបរទេសជាច្រើនបានឃើញ និងស្គាល់ពីរូបរាងក៏ដូចការរចនាក្បួលក្បាច់ដ៏ល្អឯករបស់បុព្វបុរសខ្មែរ ដោយវីដេអូឃ្លីបរបស់ អ្នកនាង ជីមមី មានអ្នកចុចចូលទស្សនាជាង ៥លានដង។

គួរបញ្ជាក់ផងដែរថា កន្លែងដែលពិធីការិនី ជីមមី បង្ហាញគឺមានឈ្មោះថា sphere ជារោងមហោស្រពធំជាងគេក្នុងពិភពលោកស្ថិតនៅទីក្រុង Las Vegas នៃ សហរដ្ឋអាម៉េរិក ចំណែកតម្លៃសំបុត្រចូលទស្សនាចាប់ពី១០០ដុល្លារ ដល់៣០០ដុល្លារក្នុងមួយនាក់ ទៅតាមកន្លែងអង្គុយ ដោយក្នុងមហោស្រពទាំងមូលអាចផ្ទុកមនុស្សបាន ២ម៉ឺននាក់ បញ្ចាំងក្នុងមួយ Show រយៈពេល១ម៉ោងហើយអាចរកចំណូលបាន២០ម៉ឺនដុល្លារផងដែរ៕ សម្រួលដោយ៖ Sun Darasy