អាជ្ញាធរជំរុញឲ្យប្រជាពលរដ្ឋពាក់ម៉ាស់ និងវ៉ែនតាការពារ ខណៈភ្នំភ្លើង Ibu របស់ឥណ្ឌូណេស៊ីបានផ្ទុះឡើងជាថ្មី កម្អែក្តៅ និងផ្សែងហក់ឡើងរាប់សិបម៉ែត្រទៅលើមេឃ

#ឥណ្ឌូណេស៊ី# #ផ្ទុះភ្នំភ្លើង# #NEW NEWS# #ព័ត៌មាន# #អាជ្ញាធរ# #ព័ត៍មានអន្តរជាតិ#

2764

មន្ត្រីម្នាក់បាននិយាយថា ភ្នំភ្លើង Ibu នៅភាគខាងជើង Maluku បានផ្ទុះឡើងកាលពីថ្ងៃពុធដោយបានបញ្ចេញកម្អែភ្នំភ្លើង និងផ្សែង និងផេះកម្ពស់ ១,០០០ម៉ែត្រទៅលើមេឃ។ ភ្នំភ្លើងដែលស្ថិតនៅលើកោះ Halmahera បានផ្ទុះឡើងនៅម៉ោង ៩៖៤៥ នាទីយប់ ម៉ោងនៅភាគខាងកើតប្រទេសឥណ្ឌូណេស៊ី ដោយបញ្ចេញកម្អែភ្នំភ្លើងក្តៅ ៣០០ ម៉ែត្រពីលើកំពូលភ្នំ។

មន្ត្រីម្នាក់នៅប៉ុស្តិ៍ត្រួតពិនិត្យភ្នំភ្លើង Ibu បាននិយាយថា ភ្នំភ្លើងនេះក៏បានបញ្ចេញផេះពណ៌ប្រផេះក្រាស់ដែលធ្វើដំណើរឆ្ពោះទៅទិសខាងកើត និងឈានដល់កម្ពស់ ២,៣០០ ម៉ែត្រពីលើនីវ៉ូទឹកសមុទ្រ។ លោកបាននិយាយថា សំឡេងនៃការផ្ទុះនេះត្រូវបានឮនៅប៉ុស្តិ៍សង្កេតការណ៍ដែលមានទីតាំងនៅក្នុងភូមិ Gam Ici ចម្ងាយប្រហែល ៩ គីឡូម៉ែត្រពីភ្នំភ្លើង។

រហូតមកដល់ពេលនេះនៅមិនទាន់មានបញ្ជាជម្លៀសថ្មីទេ ប៉ុន្តែភ្ញៀវនិងអ្នកភូមិត្រូវបានគេប្រាប់ឲ្យចាកចេញពីតំបន់ពី៤ទៅ៥គីឡូម៉ែត្រពីកំពូលភ្នំ។ អាជ្ញាធរក៏បានជំរុញឲ្យប្រជាពលរដ្ឋពាក់ម៉ាស់មុខ និងវ៉ែនតាការពារផេះភ្នំភ្លើងក្នុងករណីមានភ្លៀងធ្លាក់ផងដែរ៕

New News

7136មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។