អាជ្ញាធរកូរ៉េខាងត្បូងបានរកឃើញថ្នាំញៀនកូកាអ៊ីនប្រហែល២តោនកាលពីថ្ងៃពុធនៅលើកប៉ាល់មួយដែលបានចូលចតនៅកំពង់ផែមួយ ដែលសង្ស័យថាជាការរត់ពន្ធគ្រឿងញៀនដ៏ធំបំផុតនៅក្នុងប្រវត្តិសាស្ត្ររបស់ប្រទេស។

សេវាគយកូរ៉េ និងឆ្មាំឆ្នេរសមុទ្រ បានរកឃើញប្រអប់សង្ស័យគ្រឿងញៀនចំនួន ៥៧ នៅលើកប៉ាល់ធំមួយ ដែលបានចូលចតនៅកំពង់ផែទីក្រុង Gangneung នៅឆ្នេរសមុទ្រភាគខាងកើតនៃឧបទ្វីបកូរ៉េ។ អាជ្ញាធរកូរ៉េខាងត្បូងបាននិយាយថា ពួកគេបានស្វែងរកកប៉ាល់នេះ បន្ទាប់ពីទទួលបានព័ត៌មានពីការិយាល័យស៊ើបអង្កេត និងសន្តិសុខមាតុភូមិរបស់សហរដ្ឋអាមេរិក។

សេចក្តីថ្លែងការណ៍បាននិយាយថា កប៉ាល់បានចាប់ផ្តើមធ្វើដំណើរពីប្រទេសម៉ិកស៊ិក ហើយបានធ្វើដំណើរតាមរយៈអេក្វាឌ័រ ប៉ាណាម៉ា និងប្រទេសចិន មុនពេលទៅដល់ Gangneung ។ ភ្នាក់ងារគយបានប៉ាន់ប្រមាណទម្ងន់នៃគ្រឿងញៀនដែលសង្ស័យថាមានប្រហែលមួយតោន ប៉ុន្តែទម្ងន់កើនទ្វេដងបន្ទាប់ពីបានថ្លឹងរួច។

គួរបញ្ជាក់ផងដែរថា ប្រទេសកូរ៉េខាងត្បូងមានច្បាប់តឹងតែងចំពោះគ្រឿងញៀន ហើយឧក្រិដ្ឋកម្មជាធម្មតាត្រូវផ្តន្ទាទោសដាក់ពន្ធនាគារយ៉ាងតិច៦ខែ ឬរហូតដល់ ១៥ ឆ្នាំ ឬច្រើនជាងនេះសម្រាប់ជនល្មើស និងឈ្មួញដដែលៗ៕