រាជនីសម្រស់ ដែលតំណាងឲ្យប្រទេសមីយ៉ាន់ម៉ា ក្នុងការប្រកួតបវរកញ្ញាទេសចរណ៍ពិភពលោក២០១៨ ស្ថិតក្នុងចំណោមជនរងគ្រោះនៃការរញ្ជួយដីកម្រិត ៨.២ រ៉ិចទ័រ ដែលបានវាយប្រហារទីក្រុង Mandalay កាលពីថ្ងៃសុក្រ ទី ២៨ ខែមីនា។ សព Miss Tourism Myanmar ២០១៨ ត្រូវបានរកឃើញនៅក្រោមខុនដូកម្ពស់១២ ជាន់នៅកណ្តាលទីក្រុង Mandalay បន្ទាប់ពីគ្រោះរញ្ជួយដីកាលពីសប្តាហ៍មុន។

គ្រោះរញ្ជួយដី​​បាន​វាយប្រហារ​នៅ​ទូទាំងប្រទេសមីយ៉ាន់ម៉ា និង​ប្រទេស​ជិត​ខាង រួម​មាន​ប្រទេស​ថៃ វៀតណាម និង​ផ្នែក​ខ្លះ​នៃ​ប្រទេស​ចិនផងដែរ។ យោងតាមសេចក្តីថ្លែងការណ៍របស់អង្គការ Miss Tourism Myanmar ដែលបានបង្ហោះនៅលើ Facebook កាលពីថ្ងៃពុធ នាងបានជាប់នៅក្នុងការដួលរលំនៃខុនដូ Sky Villa អំឡុងពេលរញ្ជួយដី ហើយត្រូវបានក្រុមជួយសង្គ្រោះរកឃើញថាបានស្លាប់នៅថ្ងៃទី ២ ខែមេសា ឆ្នាំ ២០២៥។

Sky Villa គឺជាអគារមួយក្នុងចំណោមអគារដែលរងគ្រោះខ្លាំងបំផុត ទោះបីជាត្រូវបានផ្សព្វផ្សាយសម្រាប់ គ្រឹះដែលធន់នឹងការរញ្ជួយដីក៏ដោយ។ គិតត្រឹមថ្ងៃព្រហស្បតិ៍នេះអ្នកនាំពាក្យរបបយោធាបាននិយាយថា ចំនួនអ្នកស្លាប់ដោយសាររញ្ជួយដីបានកើនឡើងដល់ ៣,០៨៥ នាក់ ៤.៧១៥ នាក់បានរងរបួស និង ៣៤១ នាក់នៅតែបាត់ខ្លួន៕