ទីតាំងភូមិខ្ញុំ បានត្រៀមខ្លួនរួចជាស្រេចដោយមានការតុបតែងរចនាបថខ្មែរយ៉ាងស្រស់ស្អាត ដើម្បីទទួលស្វាគមន៍ភ្ញៀវទេសចរជាតិ និងអន្តរជាតិ ដែលអញ្ជើញមកទស្សនា។

បើតាមការបញ្ជាក់ពីគណនីផេកផ្លូវការ ព្រឹត្តិការណ៍អង្គរសង្ក្រាន្ត នាអម្បាញ់មិញនេះបានឲ្យដឹងថា សកម្មភាពជាច្រើនដូចជាទស្សនីយភាព ល្បែងប្រជាប្រិយ ការប្រកួតអុកចត្រង្គ និងសកម្មភាពនានាដែលឆ្លុះបញ្ចាំងពីការរស់នៅប្រចាំថ្ងៃរបស់ប្រជាជនខ្មែរ នឹងត្រូវបានលើកយកមកបង្ហាញនៅក្នុងទីតាំងភូមិខ្ញុំ ស្ថិតនៅបរិវេណខាងមុខប្រាសាទអង្គរវត្ត។