ថ្នាក់ដឹកនាំខេត្តកណ្តាល ចូលរួមលេងល្បែងទាញព្រ័ត្រ រួមសប្បាយជាមួយ យុវជន និងយុវនារីក្នុងឱកាសបុណ្យចូលឆ្នាំថ្មីប្រពៃណីខ្មែរ ក្រោមទិសស្លោក «សាមគ្គីភាព នាំមកនូវជ័យជំនះ» នាព្រឹកថ្ងៃទី១៤ ខែមេសា ឆ្នាំ២០២៥នេះ។ ល្បែងទាញព្រ័ត្រ ជាល្បែងមួយដែលមានតាំងពី បុរាណកាលមក ហើយល្បែងមួយនេះ គេតែងនិយមលែង នៅពេលបុណ្យចូលឆ្នាំថ្មី។ ល្បែងនេះគេលេង ដោយប្រើកំលាំងកាយ និងចាត់ទុកជា ការហាត់កំលាំង ហាត់ប្រាណ អោយរាងកាយមានកំលាំង មានសុខ ភាពល្អ។

គួរបញ្ជាក់ផងដែរថា ល្បែងទាញព្រ័ត្រ ជាល្បែងប្រជាប្រិយខ្មែរ ដែលមានចារិក ក្នុងប្រាង្គប្រាសាទអង្គវត្ត។ ល្បែងទាញព្រ័ត្រ ក៏ត្រូវបានរាជរដ្ឋាភិបាល ដាក់បញ្ចូល ក្នុងបញ្ជីបេតិកភណ្ឌ អរូបីយ ពិភពលោក នៅថ្ងៃទី២ខែធ្នូឆ្នាំ២០១៥៕