រញ្ជួយដី៦.៣រ៉ិចទ័រ នៅរដ្ឋអៃដាហូ សហរដ្ឋអាមេរិក

#ការរញ្ជួយដី# #រដ្ឋ Idaho# #សង្គម# #ព័ត៌មានសង្គម# #សហរដ្ឋអាមេរិក#

2244

មិនទាន់មានរបាយការណ៍ស្តីអំពីការខូចខាត ឬគ្រោះថ្នាក់ដល់អាយុជីវិតមនុស្សនោះឡើយ ក្រោយពេលមានការរញ្ជួយដីមួយទំហំ៦.៣រ៉ិចទ័រ វាយប្រហារនៅក្នុងរដ្ឋ អៃដាហូ (Idaho) នាភាគពាយព្យនៃសហរដ្ឋអាមេរិក។

យោងតាមការចេញផ្សាយរបស់ EMSC (មជ្ឈមណ្ឌលការរញ្ជួយដីមេឌីទែរ៉ាណេអឺរ៉ុប) បានបញ្ជាក់ នៅថ្ងៃទី៣១ ខែមីនា ឆ្នាំ២០២០ថា គ្រោះរញ្ជួយដីនេះទំហំ ៦.៣រ៉ិចទ័រ វាយប្រហារនៅភាគខាងត្បូងរដ្ឋអៃដាហូ របស់អាមេរិក។ ការរញ្ជួយដីនេះជម្រៅ១៥៣គីឡូម៉ែត្រ ស្ថិតនៅភាគឦសាន នៃទីក្រុង Boise និងមានជម្រៅ១០គីឡូម៉ែត្រ ។

ចំណែកក្រុមភូមិសាស្ត្រអាមេរិក (USGS)បញ្ជាក់ថា គ្រោះរញ្ជួយដីនេះទំហំ៦.៥រ៉ិចទ័រ ចម្ងាយ៧២គីឡូម៉ែត្រភាគខាងលិចទីក្រុង Challis រដ្ឋ អៃដាហូ ។

ប្រជាជននៅក្នុងតំបន់ បានថតវីដេអូពីសកម្មភាពញាប់ញ័រ នៅក្នុងគេហដ្ឋានរបស់ខ្លួន បណ្តាលមកពីគ្រោះរញ្ជួយដីនេះ ហើយផ្សព្វផ្សាយនៅលើបណ្តាញទំនាក់ទំនងសង្គមផងដែរ៕ ប្រែសម្រួលដោយ៖ thach yat

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។