TNAOT News
· 2020-04-05
ប៉ះទង្គិចរវាងក្រុមប្រដាប់អាវុធ នៅម៉ិកស៊ិក ស្លាប់ច្រើននាក់
#ក្រុមឧក្រិដ្ឋកម្ម# #សង្គម# #ការវាយប្រហារ# #ប្រតិបត្តិការ# #ម៉ិកស៊ីក# #នយោបាយជាតិ#
6676
ប្រតិបត្តិការរួមមួយរបស់កងកម្លាំងសន្តិសុខចម្រុះ រួមមានកងកម្លាំងសន្តិសុខសាធារណៈ និងយោធាម៉ិកស៊ិកត្រូវបានធ្វើឡើង ដើម្បីស្វែងរកថា តើក្រុមខ្មាន់កាំភ្លើងដែលពាក់ព័ន្ធការប៉ះទង្គិចប្រដាប់អាវុធនោះ បាននិងកំពុងស្ថិតនៅទីកន្លែងណា ។ 
ការិយាល័យរដ្ឋអាជ្ញាជាតិរបស់ម៉ិកស៊ិកកាលពីថ្ងៃទី៤ ខែមេសា ឆ្នាំ២០២០ បានប្រកាសថា យ៉ាងតិចមនុស្ស១៩នាក់បានស្លាប់ ក្នុងការប៉ះទង្គិចរវាងក្រុមប្រដាប់អាវុធ ស្ថិតនៅតំបន់ Madera រដ្ឋ Chihuahua របស់ម៉ិកស៊ិក ។ 
សេចក្តីថ្លែងការណ៍របស់ការិយាល័យអគ្គរដ្ឋអាជ្ញា(FGE)ខេត្ត Chihuahua បានបញ្ជាក់ថា «កងកម្លាំងប្រតិបត្តិការត្រូវបានដាក់ពង្រាយភ្លាមៗ ក្រោយពេលទទួលព័ត៌មាននៅវេលាម៉ោង៦និង៣៥នាទីយប់ ដែលថា អាចនឹងមានការប៉ះទង្គិចគ្នាទៀត រវាងគូប្រឆាំងទាក់ទងនឹងក្រុមឧក្រិដ្ឋកម្ម នៅទីកន្លែងមួយ ដែលចាប់ផ្តើមពីចំណុច Las Varas ទៅដល់ចំណុច Largo Maderal» ។
កងកម្លាំងប៉ូលិសបានមកដល់ទីកន្លែងកើតហេតុ បានឃើញសាកសពជនស៊ីវិលយ៉ាងតិច១៨នាក់, កាំភ្លើងវែង១៨ដើម, រថយន្ត២គ្រឿង, គ្រាប់បែកដៃ២គ្រាប់ ត្រូវបានរិបអូស ។ បុរសរងរបួស២នាក់ ត្រូវបានប៉ូលិសបញ្ជូនទៅកាន់មន្ទីរពេទ្យ ប៉ុន្តែម្នាក់បានបាត់បង់ជីវិត ធ្វើឲ្យការប៉ះទង្គិចនោះស្លាប់មនុស្សកើនឡើង១៩នាក់ ។ ខ្មាន់កាំភ្លើងខ្លះទៀតត្រូវចាប់ដាក់គុក ។ 
ការវាយប្រហាររវាងក្រុមប្រដាប់អាវុធបែបនេះមិនមែនជារឿងចម្លែកកើតឡើងនៅម៉ិកស៊ិកនោះឡើយ ។ ប្រទេសនេះមានអំពើហិង្សារវាងក្រុមឧក្រិដ្ឋកម្ម បងធំបងតូចប្រដាប់អាវុធជាហូរហែ និងបង្កឲ្យមានភាពសោកសៅដ៏ពិតប្រាកដមួយសម្រាប់ប្រជាពលរដ្ឋ ៕ ប្រែសម្រួលដោយ៖ thach yat 
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ចង់ចំណេញ ប្រយ័ត្នដាច់ចំណង! លោភលន់រឿង ៣ យ៉ាងនេះ អាចបំផ្លាញជីវិតអ្នកបាន
ឪពុកម្តាយជាគំរូដ៏ល្អបំផុតសម្រាប់កូន បើឪពុកម្តាយស្លូតបូតនិងចិត្តល្អ កូនរបស់ពួកគេនឹងមានពរជ័យនាពេលអនាគត
ស្ត្រី៥ប្រភេទដែលងាយក្លាយជាអ្នកមាន និងមានសុភមង្គលពេញមួយជីវិត
បម្រាមហាមជក់បារីរបស់អង់គ្លេសសម្រាប់ក្មេងអាយុក្រោម១៥ឆ្នាំ បានឆ្លងកាត់ភាពចម្រូងចម្រាស់នៅសភាលើកដំបូង
យោបល់ទាំងអស់ (0)