TNAOT News

· 2020-04-06

ប្រធានាធិបតី ត្រាំ សង្ឃឹមថា នាយករដ្ឋមន្ត្រីអង់គ្លេស កុំមានរឿង​អ្វីឲ្យសោះ

#COVID-19# #Donald Trump# #សុខភាព# #ជំងឺ# #Boris Johnson#

4791

នាយករដ្ឋមន្ត្រីអង់គ្លេស លោក បូរិស ចនសន (Boris Johnson)​​ត្រូវបញ្ជូនចូលកាន់មន្ទីរពេទ្យ​តាមវេជ្ជបញ្ជា​ កាលពីយប់ថ្ងៃទី៥ ខែមេសា​ ឆ្នាំ២០២០ ក្រោយរយៈពេល​​ប្រហែល​១០ថ្ងៃ ដែលបានធ្វើតេស្ត​មានផ្ទុកវីរុស COVID-19 ។ ប្រធានាធិបតីអាមេរិក លោកដូណាល់ ត្រាំ បានថ្លែងថា ប្រជាជនអាមេរិកទាំងអស់ រូម​ទាំង​ខ្លួន​គាត់ផ្ទាល់ផងដែរ សូមបួងសួង​ កុំឲ្យ​លោក(Johnson)​មានរឿងអី្វ​កើតឡើង​ឲ្យសោះ ។ 

សេចក្តីថ្លែងការណ៍​របស់​ Dowing Street កាលពីថ្ងៃទី៤ ខែមេសា បញ្ជាក់ថា «តាមដំបូន្មាន​របស់វេជ្ជបណ្ឌិត, នាយករដ្ឋមន្ត្រី​ យប់នេះ​ត្រូវបានបញ្ជូន​ចូលទៅកាន់មន្ទីរពេទ្យ​ដើម្បីធ្វើតេស្ត ។ នេះគឺជាជំហាន​ការពារជាមុន, នាយករដ្ឋមន្ត្រី​បន្ត​មានរោគសញ្ញា​កូរ៉ូណាវីរុស ១០ថ្ងៃបន្ទាប់ធ្វើតេស្តវិជ្ជមាននៃវីរុស ។ នេះមិនមែនជាករណីអាសន្ន​​អ្វីឡើយ ពីព្រោះ​នេះគ្រាន់តែ​ជារោគសញ្ញា​ដែលនៅបន្ត​លេចឡើងតែប៉ុណ្ណោះ» ។ 

កាលពីថ្ងៃទី ២៧ ខែមីនា ឆ្នាំ២០២០ លោកនាយករដ្ឋមន្ត្រី ចនសន អាយុ៥៥ឆ្នាំ បានប្រកាសថា ​រូបលោក​មានផ្ទុកវីរុស COVID-19 ហើយ​ផ្តាច់ខ្លួន​នៅតែឯងរយៈពេល៧ថ្ងៃ​ និងធ្វើការពីក្នុងផ្ទះ​ ។ 

ក្នុងអំឡុងពេលធ្វើសន្និសីទ​សង្ខេប​ជាមួយ​កងកម្លាំង​អាមេរិកប្រយុទ្ធប្រឆាំង​COVID-19 កាលពីថ្ងៃទី៥ ខែមេសា លោកប្រធានាធិបតីដូណាល់ ត្រាំ បានថ្លែងបួងសួង​ និងជូនពរ​ចំពោះ​លោក បូរីស ចនសន ដែលបញ្ជូន​ទៅកាន់មន្ទីរពេទ្យ​នោះ កុំឲ្យមានរឿងអ្វីកើតឡើងឲ្យសោះ ។  

លោកប្រធានាធិបតីបានថ្លែងថា «ខ្ញុំចង់បង្ហាញពីបំណងប្រាថ្នាដ៏ល្អរបស់ប្រជាជាតិយើងចំពោះ លោកនាយករដ្ឋមន្រ្តី Boris Johnson នៅពេលដែលគាត់ប្រយុទ្ធផ្ទាល់ខ្លួនជាមួយវីរុស" ។ ជនជាតិអាមេរិកទាំងអស់ កំពុងអធិដ្ឋានចំពោះរូបគាត់ ។ គាត់ជាមិត្តភក្តិរបស់ខ្ញុំ គាត់ជាបុរសសុភាពរាបសា និងជាមេដឹកនាំដ៏អស្ចារ្យម្នាក់» ។ 

លោកប្រធានាធិបតីបានបន្ថែមទៀតថា "ខ្ញុំសង្ឃឹម និងប្រាកដថា គាត់នឹងមិនអីនោះទេ" ៕ ប្រែសម្រួលដោយ៖ thach yat 

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)