ក្រសួងការពារជាតិរុស្ស៊ីមានគម្រោងប្រើប្រាស់ Tu-95MS រហូតដល់ឆ្នាំ២០៤០

#រុស្ស៊ី# #សង្គម# #Tu-95MS# #យន្តហោះ# #នយោបាយជាតិ#

2471

យន្តហោះទម្លាក់បែកយុទ្ធសាស្ត្ររបស់រុស្ស៊ី Tupolev Tu-95 បានប្រកាសដាក់ឲ្យប្រើប្រាស់ដំបូងនៅក្នុងឆ្នាំ១៩៥៦ ប៉ុន្តែចាប់តាំងពីពេលនោះរហូតមក មានការកែសម្រួលជាច្រើន ហើយត្រូវបានអភិវឌ្ឍឡើង ព្រមមួយអន្លើនឹងយន្តហោះ Tu-16 និង Tu-22 ផងដែរ ។

យន្តហោះនេះនៅតែបន្តក្លាយជាឆ្អឹងខ្នងយ៉ាងរឹងមាំរបស់កងកម្លាំងទម្លាក់គ្រាប់បែករបស់រុស្ស៊ី។ ប៉ុន្ដែបើតាមប្រភពព័ត៌មាន បានផ្សាយថា ក្រសួងការពារជាតិរុស្ស៊ី បន្តប្រើប្រាស់យន្តហោះធុននេះ នៅក្នងប្រតិបត្តិការ រហូតដល់ឆ្នាំ២០៤០ ។

ជាមួយគ្នានេះ ក្រសួងការពារជាតិរុស្ស៊ី បានផ្សព្វផ្សាយវីដេអូ បង្ហាញពីសកម្មភាពយន្តហោះទម្លាក់គ្រាប់បែកយុទ្ធសាស្ត្រ Tu-95MS បានគេចផុតពីប្រព័ន្ធមីស៊ីលបាញ់ប្រហារដោយកម្លាំងក្លែងធ្វើជាសត្រូវ ។

យោងតាមសេចក្តីប្រកាសរបស់ក្រសួងការពារជាតិ បានបញ្ជាក់ថា ក្រៅពីការការពារបាននូវអាកាសយានិក, យន្តហោះនេះនៅចុះចតលើសមរភូមិកំពុងប្រតិបត្តិការ ដែលជាយុទ្ធវិធីថ្មី និងមានប្រសិទ្ធភាព ខណ:ចុះចតទីតាំងគោលដៅរបស់សត្រូវ ។

ក្នុងពេលធ្វើលំហាត់សមយុទ្ធ កម្លាំងគាំទ្របានជួសជុលទីលានអាកាស ដែលត្រូវបំផ្លាញដោយការវាយប្រហាររបស់សត្រូវ ហើយកម្លាំងថែទាំបានរៀបចំយន្តហោះបំផ្ទុះគ្រាប់បែក ដើម្បីការហោះហើរបន្ថែមទៀតផងដែរ ៕ ប្រែសម្រួលដោយ៖ thach yat

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។