បង្ហោះផ្សាយ

ខ្មែរ

TNAOT News

· 2020-05-22

នេះជាវិធី Report ហ្គេម Jumpy Jumpy ដែលកំពុងធ្វើឱ្យចលាចលខ្លាំងលើហ្វេសប៊ុក

2322

ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យាកម្ពុជា បានបង្ហាញពីវិធី Report ហ្គេម Jumpy Jumpy ដែលកំពុងធ្វើឱ្យមានចលាចលជាខ្លាំងនៅលើបណ្ដាញសង្គមហ្វេសប៊ុក ខណៈហ្គេមនេះបានធ្វើឱ្យមានភាពយល់ច្រលំជាខ្លាំង។

នាយកដ្ឋានប្រឆាំងបទល្មើសបច្ចេកវិទ្យា បានបញ្ជាក់ថា ហ្គេមមួយចំនួនដែលមានឈ្មោះ Jumpy Jumpy និង Lyto Different Color ដែលជាប្រភេទហ្គេមលេងកំសាន្តជាយូរមកហើយ ប៉ុន្តែនៅពេលថ្មីៗនេះ មានបងប្អូនអ្នកប្រើប្រាស់បានយកហ្គេមនេះមកបន្ថែមពាក្យអសីលធម៌លើចំណងជើងអត្ថបទដូចជា “ជំពាក់លុយគេឱ្យចេះសងផង...” ជាដើម។ ការបន្ថែមពាក្យពេចន៍នេះធ្វើឱ្យអ្នកប្រើប្រាស់មានការយល់ច្រលំថា បុគ្គលដែលត្រូវគេយករូបខ្លួនទៅផុសនោះជំពាក់លុយគេទៅវិញ ដែលធ្វើឱ្យមានការប៉ះពាល់ដល់កិត្តិយសរបស់ពួកគាត់។

នាយកដ្ឋានប្រឆាំងបទល្មើសបច្ចេកវិទ្យាកម្ពុជា ក៏បានអំពាវនាវដល់អ្នកលេងហ្គេមទាំងអស់ ត្រូវបញ្ឈប់នូវរាល់ការបន្ថែមពាក្យពេចន៍ទាំងនេះ ដើម្បីជៀសវាងការភាន់ច្រឡំទាំងនេះទៀត។ ប្រសិនបើបងប្អូនអ្នកប្រើប្រាស់បណ្តាញសង្គមជួបនូវបញ្ហាដូចរៀបរាប់ខាងលើ អាចធ្វើការរាយការណ៍ទៅកាន់ក្រុមហ៊ុនហ្វេសប៊ុក ដើម្បីកុំឱ្យមានការរំខានពីអ្នកលេងដែលធ្វើការ Invite តទៀត សូមអនុវត្តតាមដូចខាងក្រោម៖

- នៅផ្នែកខាងស្តាំ ចុចលើសញ្ញា "…"

- ជ្រើសយក Find Support or Report Post

- ចុច Spam

- ចុច Next

- ចុច Done

នេះជាវិធីប្រសិនបើបងប្អូនចង់លុបហ្គេមនេះចោលតែម្ដង៖

- ចូលទៅ Settings របស់គណនី Facebook

-ចុចលើពាក្យ Instant Games

- ជ្រើសយកហ្គេមដែលបងប្អូនចង់លុប ហើយចុចលើពាក្យ Remove នោះហ្គេមនេះនឹងលុបចេញពីគណនីហ្វេសហ៊ុករបស់អ្នកជាស្រេច៕ ដោយ៖ តារា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (7)

Lin juker

· 2020-05-26

😆😆

Keang Seyha Official

· 2020-05-24

ចូម

Look at the world

· 2020-05-24

គេមឆ្កួត

សេង សីហា1

· 2020-05-23

ចាំមេីល ឣស់ពី ហ្គេម នឹង មាន ហ្គេម ឣីទៀត....

ណាផា 29907829

· 2020-05-22

😅😅😅

នីតា 19270993

· 2020-05-22

បើលុបបានលុបទៅហ្គេមនិង

មិត្ត11362466

· 2020-05-22

មុនគេហេីយលេីនេះ😎😎😎😎😄

  • 1
ទៅកាន់