លោកគីម ជុងអ៊ុនថា នឹងគ្មានសង្គ្រាមដោយសារអាវុធនុយក្លេអ៊ែរនោះទេ

#នុយក្លេអ៊ែរ# #សង្គម# #សង្គ្រាមកូរ៉េ# #នយោបាយជាតិ# #សង្គ្រាម#

10396

ប្រទេសកូរ៉េខាងជើង ៖ ក្នុងទិវាខួបលើកទី៦៧នៃការបញ្ចប់សង្គ្រាមកូរ៉េ(១៩៥០-១៩៥៣) មេដឹកនាំកូរ៉េខាងជើងលោកគីមជុងអ៊ុនថ្លែងថា នឹងពុំមានសង្គ្រាមឡើយហើយអាវុធនុយក្លេអ៊ែររបស់កូរ៉េខាងជើង ជាការធានាស្ថេរភាពនិងអនាគតមួយរបស់ប្រទេស ក៏ទោះបីមានការគាបសង្កត់នានាពីខាងក្រៅនិងការគំរាមកំហែងខាងយោធាក្ដី។ នេះបើតាមសេចក្ដីរាយការណ៍នាថ្ងៃទី២៨កក្កដារបស់សារព័ត៌មានផ្លូវការប្រទេសនេះ។

ក្នុងពិធីមួយដែលមានវត្តមានរបស់បណ្ដាអតីតយុទ្ធជន លោកគីមជុងអ៊ុនគូសបញ្ជាក់ថា កម្មវិធីគ្រឿងសព្វាវុធនុយក្លេអ៊ែររបស់កូរ៉េខាងជើង ជាការធានាពីកម្លាំងដ៏ខ្លាំងបំផុតមួយ សម្រាប់បញ្ចៀសជម្លោះដោយអាវុធនានា។ លោកបញ្ជាក់ពីគោលដៅការពារនៃកម្មវិធីនោះ។

ដកស្រង់សម្ដីដោយទីភ្នាក់ងារព័ត៌មានផ្លូវការកូរ៉េខាងជើងKCNAលោកគីមបន្តថា ពេលនេះយើងអាចការពារខ្លួនយើងបាន ប្រឆាំងរាល់រូបភាព នៃការគាបសង្កត់កម្រិតខ្ពស់និងការគំរាមកំហែងខាងយោធា ពីសំណាក់កងកម្លាំងចក្រពត្តិនិយមនិងប្រទូស្តរ៉ាយ។ ដោយសារអាវុធនុយក្លេអ៊ែរស្វ័យការពាររបស់យើង ដែលមានប្រសិទ្ធភាព នោះនឹងគ្មានសង្គ្រាមហើយសន្តិសុខនិងអនាគត របស់ប្រទេសយើងនឹងត្រូវធានាយ៉ាងមឺុងម៉ាត់ជាងពេលណាៗទាំងអស់។

សេចក្ដីថ្លែងការណ៍នោះរបស់លោកគីមជុងអ៊ុនកើតមាន ខណៈការពិភាក្សារវាងក្រុងព្យុងយ៉ាងនិងក្រុងវ៉ាសិុនតោន ត្រូវស្ថិតក្នុងភាពទ័លច្រក ចាប់់តាំងពីការជួបគ្នាកំពូលកាលពីឆ្នាំទៅមិញ រវាងលោកដូណាល់ត្រាំនិងលោកគីមជុងអ៊ុននៅក្រុងហាណូយត្រូវបរាជ័យមក៕ ផ្តល់សិទ្ធិដោយ៖កោះសន្តិភាព

បណ្ដុំព័ត៌មានសំខាន់ៗប្រចាំថ្ងៃ

18259មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។