មន្ទីរ​ទេសចរណ៍​ខេត្តក្រចេះ នៅ​តែ​ទទូច​ស្នើ​សុំ​ដល់​ភ្ញៀវ​ទេសចរ ក៏​ដូច​ជា​ម្ចាស់​សេវាកម្ម អាជីវកម្ម និង​សេវាកម្ម​កម្សាន្ត​នានា ត្រូវ​ពង្រឹង​ការ​អនុវត្តន៍​នូវ​វិធាន​សុវត្ថិ​ភាព​ក្នុង​ដំណើរ​កម្សាន្ត នា​ឱកាស​ថ្ងៃ​ឈប់​សម្រាក​ខាង​មុខ ប្រកប​ដោយ​សុវត្ថិភាព អនា​ម័យ​សុខភាព​ពី​ជំងឺ​កូ​វី​ដ​-១៩ ។

លោក ចាន់ សុ​គ​ន្ធី ប្រធាន​មន្ទីរ​ទេសចរណ៍​ខេត្តបាន​បញ្ជាក់​ឲ្យ​ដឹង​ថា ៖ អាជ្ញាធរ​ខេត្ត ក៏​ដូច​ជា​មន្ទីរ​ពាក់ព័ន្ធ​មួយ​ចំនួន បាន​ខិតខំ​និង​យកចិត្តទុកដាក់​យ៉ាង​ខ្លាំង​ក្នុង​ការ​ចូលរួម​ការពារ​ទប់ស្កាត់ ក៏​ដូច​ជា​ចាត់វិធានការ​ការពារ កុំ​ឲ្យ​មានការ​ឆ្លង​រីក​រាលដាល​នូវ​ជម្ងឺ​កូ​វី​ដ​-១៩ ចូល​ទៅ​ក្នុង​សហគមន៍ ជា​ពិសេស ​តាម​រយៈ​វិស័យ​ទេសចរណ៍​តែ​ម្តង ។

​សម្រាប់​ខេត្តក្រចេះ​សក្តានុពល​ទេសចរណ៍​នៅ​ពេល​រដូវ​នេះ ដែល​អាច​នឹង​កំពុង​រង់ចាំ​ទទួល​បងប្អូន​ភ្ញៀវ​ទេសចរ​ជាតិ និង​អន្តរជាតិ ចូល​មក​ទស្សនា​កម្សាន្ត​បាន​នៅរ​ម្មណី​យ​ដ្ឋា​ន​ដូចជា ៖ -​ព្រះ​វិហារ​ធំ​វត្ត​សសរ​១០០ អន្លង់​ផ្សោត​កាំ​ពី វត្ត​ភ្នំ​សំបុក សហគមន៍​ក្រឡាន​ថ្ម​គ្រែ ផ្សារ​សាមគ្គី​ក្រុង​ក្រចេះ សំណង់​អាគារ​សម័យ​បារាំង ជីវចម្រុះ​តាម​បណ្តោយ​ឆ្នេរទន្លេ​នៅ​លើ​កោះ​ទ្រង់ វិហារ​បុរាណ ផ្ទះ​បុរាណ​សសរ​១០០ និង​ស្ទប់​ប្រ​វត្ថិ​សាស្ត្រ​ផង​ដែរ ។ដោយត្នោត