សូមពិចារណាឱ្យឃើញច្បាស់តាមសេចក្តីពិត

#អំពើល្អ# #សិល្បៈ និងវប្បធម៌# #ចំណេះដឹង# #បុគ្គលឆ្លាត#

3238

បុគ្គលឆ្លាតតែងពិចារណារកសេចក្តីពិតយ៉ាងនេះថា អំពើល្អពិតជាផ្តល់ផលល្អ ឯអំពើអាក្រក់ពិតជាផ្តល់ផលអាក្រក់ ហើយញុំាងឱ្យដល់ព្រមដោយសទ្ធាជឿកម្មជឿផលយ៉ាងមុតមាំ និងព្យាយាមធ្វើតែអំពើល្អ មានធ្វើទាននិងរក្សាសីលជាដើម ។

កិរិយាយល់ច្បាស់អំពីវិបាកនៃកម្ម ហើយប្រញាប់តម្កល់ខ្លួនក្នុងទានសីល ភាវនា សមាធិ ឱ្យនៅតែក្នុងសេចក្តីព្យាយាម មិនខ្ជិលច្រអូស តាំងខ្លួនឱ្យនៅក្នុងសតិ នៅឆ្ងាយពីការធ្វេសប្រហែស ឬមិនយកខ្លូនទៅជាប់ពាក់ព័ន្ធនឹងអំពើអាក្រក់ណាមួយ យ៉ាងនេះឈ្មោះថាការពិចារណាត្រូវរតាមសេចក្តីពិត ។

ជឿកម្មផលគឺជឿថា ជនណាប្រព្រឹត្តអំពើអ្វី សាងកម្មអ្វី បុគ្គលនោះនឹងទទួលផលដូចដែលខ្លួនបានសាងជាក់ជាមិនខាន នេះជារឿងពិតនៃសង្គមលោក ។ ផ្តល់សិទ្ធដោយ៖កោះសន្តិភាព

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។