ទាន៣ប្រភេទឱ្យផលផ្សេងគ្នា

#សិល្បៈ និងវប្បធម៌# #ចំណេះដឹង# #ទាន# #សហាយ# #ព្រះពុទ្ធសាសនា#

2188

តាមគម្ពីរព្រះពុទ្ធសាសនាបានបរិយាយអំពីទានយ៉ាងនេះថា បណ្តាទានទាំងអស់ ទាសទាន សហាយទាន សាមិទាន ជាទាន ដែលបរិស័ទអ្នកមានសទ្ធាប្រព្រឹត្តធ្វើរាល់ថ្ងៃ ជួនក៏ធ្វើទៅប៉ះចំទាសទាន ជួនក៏ចំសហាយទាន ជួនក៏ប៉ះសាមិទានជាធម្មតាទៅហើយព្រោះជាបុថុជ្ជន ហើយក៏ជាទានឱ្យផលមិនដូចគ្នាឡើយ ។ តើទានទាំងបីនេះមានលក្ខណៈផ្សេងគ្នាដូចម្តេច ? ខាងក្រោមនេះជាការរង្គាយសេចក្តីនៃទានទាំងបីដូចតទៅៈ

១- ទាសទាន ឱ្យវត្ថុអន់ជាងវត្ថុដែលខ្លួនប្រើប្រាស់បរិភោគ

២-សហាយទាន ឱ្យរបស់ដែលល្អប្រសើរស្មើនឹងខ្លួនបរិភោគប្រើប្រាស់

៣-សាមិទាន ឱ្យវត្ថុល្អប្រណីតជាងវត្ថុដែលខ្លួនប្រើប្រាស់បរិភោគ ។

បណ្តាទានទាំងបីនេះឱ្យផលមិនដូចគ្នាទេគឺ ទាសទានឱ្យផលទាបជាងសហាយទាន តែសហាយទានឱ្យផលតិចជាងសាមិទាន ដែលសាមិទាននេះឱ្យផលប្រពៃក្រៃលែងប្រសើរជាងទាននានាលើកលែងតែធម្មទាន បើបានជាស្តេចចក្រ នឹងជាក្សត្រដែលមានទសពិធរាជធម៌ពិតៗ មានអំណាចគ្របសង្កត់អស់ជម្ពូទ្វីបទាំងមូល ៕ ផ្តល់សិទ្ធដោយ៖កោះសន្តិភាព

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។