រថយន្ត២គ្រឿងបុកគ្នាឆេះបណ្តាលឲ្យមានអ្នករងរបួសធ្ងន់និងស្រាល៣នាក់

#រងយន្ត២គ្រឿងបុកគ្នាឆេះ# #សង្គម# #និងក្រឡាប់# #តារាខ្មែរ# #រងរបូសធ្ងន់និងស្រាល៣នាក់#

9329

ភ្នំពេញ ៖រថយន្តRav4 មួយគ្រឿងបានឆេះ ចំណែករថយន្តតូរីសក្រឡាប់ បណ្ដាលឲ្យអ្នកនៅក្នុងរថយន្តតូរីសរងរបួសធ្ងន់និងស្រាល៣នាក់ ហេតុការណ៏គ្រោះថ្នាក់ចរាចរណ៏ខាងលើ៍នេះបានកើតឡើងនៅវេលាម៉ោង៤ទៀបភ្លឺថ្ងៃទី១០ខែកញ្ញាឆ្នាំ២០២០ស្ថិតនៅចំនុចផ្លូវលេខ ១៨២ កែងនឹងផ្លូវ ២០២ ក្នុងសង្កាត់ទឹកល្អក់ទី ៣ខណ្ឌទួលគោក រាជធានីភ្នំពេញ។

យោងតាមសម្តីរបស់ម្ចាស់រថយន្តតូរីសបានឲ្យដឹងថា ក្នុងឡានរបស់ខ្លួនមានអ្នកដំណើរ៨នាក់ ដោយធ្វើដំណើរមកផ្សារនាគមាសដើម្បីទិញបន្លែផ្លែឈើយកទៅលក់នៅតាមខេត្ត។ ខណៈពេលត្រឡប់ទៅវិញ លុះដល់ចំនុចកើតហេតុខាងលើ ស្រាប់តែរថយន្ត Rav4 បើកមកបុកចំពាក់កណ្ដាល បណ្ដាលឲ្យក្រឡាប់ និងមានអ្នករបួស៣នាក់ ហើយក៏បានបញ្ជូនទៅមន្ទីពេទ្យ។ រីឯភាគីខាងរថយន្ដRav4បានឆេះ និងត្រូវពលរដ្ឋជួយពន្លត់ទាន់ពេល ដោយធ្វើដំណើរមានគ្នា៣នាក់ ហើយជនបង្កពីនាក់បានរត់គេចខ្លួន ទុកឲ្យម្ចាស់រថយន្តនៅកន្លែងកើតហេតុតែម្នាក់ឯង។

ក្រោយកើតហេតុ ភាគីទាំងសងខាងបានដោះស្រាយគ្នាដើម្បីបញ្ចប់រឿងនៅកន្លែងកើតហេតុ៕ដោយ៖ សួង សាម

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។