ឥទ្ធិពលនៃព្យុះវាយប្រហារពលរដ្ឋជាច្រើនគ្រួសារនៅស្រុកព្រៃនប់

#ព្យុះ# #ស្រុកព្រៃនប់# #សង្គម# #ឥទ្ធិពល# #សេដ្ឋកិច្ចជាតិ#

5652

ស្រុកព្រៃនប់ ៖ បើតាមសេចក្តីរាយការណ៍បានឱ្យដឹងថា អាជ្ញាធរខេត្តព្រះសីហនុ បានចុះធ្វើការសង្គ្រោះបន្ទាន់ដល់បងប្អូនប្រជាពលរដ្ឋជាច្រើនគ្រួសារដែលបានរងផលប៉ះពាល់យ៉ាងធ្ងន់ធ្ងរ ដោយសារតែជំនន់ទឹកភ្លៀងមកកាន់ទីទួលសុវត្ថិភាព ព្រោះតែឥទ្ធិពលនៃព្យុះទី១១ មានឈ្មោះថា «នូល» ហើយឥទ្ធិពលនេះ បានបណ្តាលឲ្យតំបន់មួយចំនួនក្នុងស្រុកព្រៃនប់ ទទួលរងនូវការជន់លិច ដោយសារជំនន់ទឹកភ្លៀងដ៏ធំ ចាប់ពីវេលាម៉ោង១១យប់ ថ្ងៃទី១៧ ខែកញ្ញា ឆ្នាំ២០២០នេះ។

សេចក្តីរាយការណ៍បន្តថា ពលរដ្ឋដែលត្រូវបានអាជ្ញាធរសម្រេចជួយសង្គ្រោះយកទៅកាន់ទីទួលសុវត្ថិភាពនេះ គឺមានពលរដ្ឋរស់នៅក្នុងឃុំទួលទទឹង និងឃុំអណ្ដូងថ្ម ដែលភាគច្រើនទីលំនៅរបស់ពួកគាត់ជាតំបន់ទំនាបខ្លាំង ។

ជាមួយគ្នានេះដែរ អភិបាលស្រុកព្រៃនប់ បានថ្លែងអំណរគុណដល់ថ្នាក់ដឹកនាំខេត្តមន្ទីរពាក់ព័ន្ធកម្លាំងប្រដាប់អាវុធអាជ្ញាធរភូមិ-ឃុំទាំងអស់ដែលបានជួយទាន់ពេលវេលាទាំងយប់ ដើម្បីជួយសង្គ្រោះបងប្អូនប្រជាពលរដ្ឋដែលរងផលប៉ះពាល់ធ្ងន់ធ្ងរមកកាន់ទីទួលសុវត្ថិភាព ៕ ផ្តល់សិទ្ធិដោយ៖ កោះសន្តិភាព

បណ្ដុំព័ត៌មានសំខាន់ៗប្រចាំថ្ងៃ

18263មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។