ថ្ងៃនេះសុភាពនារីៗនឹងបានដឹងពីគន្លឹះធ្វើហ្វមខាត់ឲ្យស្បែកសភ្លឺរលោងតាមបែបធម្មជាតិ ដោយមិនចំបាច់អីត្រូវទៅចំណាយប្រាក់រាប់ដុល្លារទិញផលិតមានជាតិគីមីមកខាត់ស្បែកនាំឲ្យមានគ្រោះថ្នាក់ដល់សុខភាពកោសិកាស្បែកនោះទេ។ អ្វីដែលពិសេសនោះវាជាវិធីងាយៗនឹងធ្វើហើយបានផលរហូតមិនគួរឲ្យជឿ ព្រមទាំងធ្វើឲ្យស្បែកលោកអ្នកមានសុភាពល្អ មើលទៅសស្អាតនិងមានសំណើម។

វត្ថុធាតុដើមដែលត្រូវការ៖

- ស៊ុតទា ១ គ្រាប់

- ទឹកឃ្មុំ ១ ស្លាបព្រា

- ទឹកក្រូចឆ្មារ ១ ស្លាបព្រា

- ម្សៅ Baking Soda មួយចឹប(រកទិញបានតាមផ្សារ)

- ម្សៅពោត ១ ស្លាបព្រា

វិធីធ្វើនិងលាប

- គោះស៊ុតយកតែពងស ១ ស្លាបព្រាដាក់ក្នុងកូនចានរួចគោះវាឲ្យបែកសព្វ

- ដាក់ម្សៅ Baking Soda មួយចឹប ទឹកក្រូចឆ្មារ ១ស្លាបព្រា និងទឹកឃ្មុំ ១ ស្លាបព្រាចូលទៅក្នុងកូនចានពងទា ហើយកូរវាឲ្យល្មមមួយសព្វ

- ចាប់ម្សៅពោត ១ ស្លាបព្រាដាក់ចូលទៅក្នុងល្បាយកូររួចនោះ ហើយកូរវាឲ្យសព្វម្ដងទៀត

- លាបវាលើស្បែកត្រង់កន្លែងដែលអ្នកចង់លាប រួចទុកចោលរយៈពេល ៥ នាទី រួចលាបបន្ថែមពីលើម្ដងទៀតដោយទុកចោល ១៥ នាទីបន្ថែម ចុងបញ្ចប់ចាំលាងសម្អាតវាចេញ។

- ចូរចងចាំមុនពេលលាបល្បាយនេះលើស្បែកអ្នកត្រូវប្រាកដចិត្តថាបានលាងសម្អាត និងគ្មានគ្រឿងសម្អាងលើស្បែក។ អត្ថបទដោយ៖ រីតា