TNAOT News
· 2020-09-21
បាតុករច្រើនម៉ឺននាក់ប្រមូលផ្ដុំនៅជិតអតីតព្រះបរមរាជវាំងប្រឆាំងរដ្ឋាភិបាលថៃ
#ព្រះបរមរាជវាំង# #បាតុករ# #សង្គម# #រដ្ឋាភិបាលថៃ# #នយោបាយជាតិ#
2891
ប្រទេសថៃ ៖ បាតុករច្រើនម៉ឺននាក់ កាលពីយប់ថ្ងៃទី១៩កញ្ញាបានលើកគ្នាទៅប្រមូលផ្ដុំនៅជិតអតីតព្រះបរមរាជវាំងក្រុងបាងកក ដើម្បីទាមទារឲ្យមានលទ្ធិប្រជាធិបតេយ្យកាន់តែច្រើន និងឲ្យនាយករដ្ឋមន្ត្រីលោកប្រាយុទ្ធចាន់អូចា លាលែងចេញពីតំណែង រួចបាតុករមួយចំនួនទាមទារឲ្យមានការកែទម្រង់របបរាជានិយមដែលជារឿងរស៊ើបបំផុតមួយនៅថៃ។
ពួកបាតុករដែលតាមប៉ូលិសថា មានប្រមាណជាជាង១៨.០០០នាក់ តែពួកអ្ហករៀបចំថាមានដល់ច្រើនសិបពាន់នាក់ បាននាំគ្នាស្ដាប់ រហូតដល់យប់ជ្រៅសុន្ទរកថា របស់វាគ្មិនទាំងឡាយនៃចលនាតវ៉ានោះ។ បាតុករមួយចំនួនអំពាវនាវឲ្យធ្វើប្រជាធិបតេយ្យភាវូបនីយកម្ម នៃបណ្ដាស្ថាប័នថៃ បញ្ចប់អំពើពុករលួយនិងកាត់បន្ថយគម្លាត រវាងបណ្ដាអ្នកមាននិងអ្នកក្រ ក្នុងប្រទេសដែលមានគម្លាតគ្នាខ្លាំងជាងគេបំផុតនៃពិភពលោក។ មេធាវីខាងសិទ្ធិមនុស្សម្នាក់ដែលប្រកាន់គំំនិតតឹងរឹង រហូតដល់ប្រើពាក្យមិនល្អនានា ដៀមដាមចំពោះព្រះមហាក្សត្រនិងចោទប្រកាន់ទ្រង់ថា មិនព្រមស្ថិតនៅដាច់ពីនយោបាយ។
លោកPARIT CHIWARAK ជាមេខ្លោងតវ៉ាម្នាក់ថ្លែងថា នេះជាការប្រមូលផ្ដុំមនុស្សដ៏ធំបំផុត ចាប់តាំងពីរដ្ឋប្រហារឆ្នាំ២០១៤ ដែលនាំឲ្យលោកចាន់អូចា ឡើងកាន់អំណាច ដោយស្របច្បាប់ តាមរយៈការបោះឆ្នោតដ៏ចម្រូងចម្រាស់មួយមក។ បាតុករម្នាក់ទៀតនិយាយថា នេះជារបត់មួយក្នុងប្រវត្តិសាស្ត្រប្រទេស។
បាតុកម្មចាប់ផ្ដើមពីវេលារសៀលមក នៅឯបរិវេណមហាវិទ្យាល័យធម្មាសាធ ជាកន្លែងមានការសម្លាប់រង្គាលកាលពីឆ្នាំ១៩៧៦ និស្សិតស្និទ្ធប្រជាធិបតេយ្យ ដោយកងយោធា និងសេនាជនរាជានិយម។ ពួកបាតុករបន្ទាប់មកបានលើកគ្នា ទៅសាណាមលួងជាទីលានមួយស្ថិតនៅទល់មុខព្រះបរមរាជវាំង។ បាតុករច្រើននាក់មានបំណងស្ថិតនៅទីនោះ ពេញមួយយប់។ នាថ្ងៃទី២០កញ្ញាពួកប្រឆាំងគ្រោងដើរហែក្បួននៅកណ្ដាលរាជធានី ។
ប៉ូលិសបានទទួលបទបញ្ជាឲ្យប្រកាន់ការអត់ធ្មត់។ អ្នកនាំពាក្យរដ្ឋាភិបាលលោកANUCHA BURAPACHAISRI មានប្រតិកម្មថាបាតុករអាចប្រមូលផ្ដុំគ្នាតែដោយសន្តិវិធី ក្នុងក្របខណ្ឌច្បាប់។ សកម្មជនដទៃៗទៀតស្ថិតក្នុងចលនាអាវក្រហម ស្និទ្ធអតីតនាយករដ្ឋមន្ត្រី លោកថាក់ស៊ីនស៊ីណាវ៉ាត្រា ដែលកំពុងរស់នៅនិរទេស ក៏ចូលរួមក្នុងបាតុកម្មនោះដែរ៕ ដកស្រង់ចេញពីវេបសាយ ៖ yahoo ផ្ដល់សិទ្ធដោយ៖ កោះសន្តិភាព
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (40)
មិត្ត556710576
· 2020-09-27
I see
មិត្ត977659994
· 2020-09-22
😮😮😮
ព័ត៏មានទូទៅ
· 2020-09-22
🤔🤔🤔
Mrr How
· 2020-09-22
😘😘😘😘😘
Vireak same
· 2020-09-22
😮😮
កខក
· 2020-09-22
😮😮😮
Oun Chann
· 2020-09-22
👍👍👍
sokhon17
· 2020-09-22
😍😍😍
មិត្ត826416580
· 2020-09-22
😘😘
ស្ដេចសឹង្ហ
· 2020-09-22
good
Jee Pisey
· 2020-09-22
😮
អូនហ៊ួង
· 2020-09-22
😍😍😍
Yorng Sa Rith
· 2020-09-22
😐😘😄
សុភាពកូនខ្មែរ
· 2020-09-21
🤔🤔🤔🤔
Yang earth
· 2020-09-21
😥😥
- 1
- 2
- 3
ទៅកាន់