ពាក្យពេចន៍អ្នកនាង អម្ពរ ទេវី បញ្ជាក់នូវទឹកចិត្តមហិមារបស់ប្តីចំពោះរូបនាង និងកូនៗខ្លាំងប៉ុណ្ណា

#អម្ពរ ទេវី# #ទឹកដីកំណើត# #ទឹកចិត្ត# #កម្សាន្ត# #តារាខ្មែរ#

3875

រាជធានីភ្នំពេញ ៖ តារាសម្តែងជើងចាស់ដ៏ល្បីឈ្មោះអ្នកនាង អម្ពរ ទេវី បើទោះបីជាចាកចេញពីទឹកដីកំណើតទៅរស់នៅឯនាយសមុទ្រក្តី តែអ្នកគាំទ្រនៅតែចងចាំអ្នកនាង និងតែងតែស្វាគមន៍នូវវត្តមានរបស់អ្នកនាងក្នុងការសម្តែងរឿងជាបន្តបន្ទាប់ ជាពិសេស គឺបងប្អូនចង់ដឹងខ្លាំងអំពីសុខទុក្ខតារាសម្តែងស្រីដែលមានរូបសម្រស់ស្រស់ស្អាត និងពេញដោយសមត្ថភាពសម្តែងឥតខ្ចោះ តាំងពីសម័យចុងឆ្នាំ៨០ ។

ថ្មីៗនេះ អ្នកនាង អម្ពរ ទេវី បានបង្ហោះសារមួយទៅកាន់ស្វាមីរបស់អ្នកនាងដែលពាក្យពេចន៍នៅក្នុងសារនោះបានបង្ហាញដល់អ្នកគាំទ្របានដឹងថា អ្នកនាងពិតជានារីដែលមានសំណាងបំផុត ដោយសារអ្នកនាងបានទទួលនូវក្តីស្រលាញ់ថ្នាក់ថ្នមពីស្វាមី ហើយកាន់តែពិសេសនោះស្វាមីអ្នកនាង គឺពិតជាបុរសដែលមានបេះដូងធំទូលាយ ព្រោះលោកបានបង្ហាញនូវក្តីស្រលាញ់មិនមែនចំពោះតែអ្នកនាង អម្ពរ ទេវី នោះទេ តែលោកបានធ្វើគ្រប់យ៉ាងដល់អ្នកមានគុណ និងកូនៗរហូតអ្នកនាង អម្ពរ ទេវី ដាច់ចេញបញ្ចេញសារចែកជូនមហាជនបានដឹងថា ស្វាមីរបស់អ្នកនាងជាមនុស្សប្រុសមានទឹកចិត្តសន្តោសមេត្តាយ៉ាងណានោះ ។

តារាសម្តែងស្រីជើងចាស់ដែលនៅតែមានទីផ្សារសិល្បៈសម្តែង និងបន្តមានការគាំទ្រយ៉ាងខ្លាំងក្លាពីសំណាក់មហាជនបានបង្ហោះសារនៅថ្ងៃទី២២ ខែកញ្ញា ឆ្នាំ២០២០ ចំថ្ងៃខួបកំណើតរបស់ស្វាមីអ្នកនាងថា «Happy birthday to my be loved Husband ។ រីករាយថ្ងៃរំលឹកខួបកំណើត ស្វាមីជាទីស្រឡាញ់ ថ្ងៃនេះជាថ្ងៃពិសេសរបស់បង អូនសូមបួងសួងជូនពរដល់បង សូមមាន សុខភាពល្អ អាយុយឺនយូរអស់កាលអង្វែង និងសំរេចជោគជ័យ ទទួលលាបហូរចូលរាល់គ្រប់ការងាររបស់បង ថ្ងៃនេះ ភរិយារបស់បងចង់ប្រាប់បងថា ៖ បងជាបុរសគួរអោយស្រលាញ់ ជាឧត្តមស្វាមី ជាឪពុកល្អ រស់នៅជាមួយបង អូន និងកូនសប្បាយ និងមានភាពកក់ក្ដៅ!! សូមអរគុណដែលបងមើលថែរអូន និងកូន និងអ្នកម្ដាយអូន ប្រកបដោយសេចក្ដីសុខ I love you so much Happiest of birthdays my love.»។

ក្រោយការបង្ហោះនូវរូបភាពរបស់ស្វាមី និងពាក្យពេចន៍ផ្អែមល្អែមនោះ គេសង្កេតឃើញមិត្តរួមអាជីពរបស់អ្នកនាង អម្ពរ ទេវី ជាច្រើនរូប រួមទាំងលោកទេព រិនដារ៉ូ ដៃគូសម្តែងដ៏សាកសមរបស់អ្នកនាងបានចូលរួមត្រេកអរ និងជូនពរគូស្វាមីភរិយានូវជីវិតគូដ៏ល្អ និងមានសំណាងរៀងរហូតទៅ ៕ផ្តល់សិទ្ធដោយ៖កោះសន្តិភាព

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។