បង្ហោះផ្សាយ

ខ្មែរ

TNAOT News

· 03-31

ប៊ុយ សោភ័ណ្ឌ៖ កម្ពុជាដាក់គោលដៅសម្រួចសមត្ថភាពអ្នកប្រដាល់សកលកម្ពុជា ដើម្បីត្រៀមប្រកួតព្រឹត្តការណ៍កីឡាស៊ីហ្គេមលើកទី៣៣ នៅប្រទេសថៃ

#អ្នកប្រដាល់សកលកម្ពុជា# #TNAOT SPORT# #កីឡា# #ប៊ុយ សោភ័ណ្ឌ# #ប្រដាល់ខ្មែរ#

2550

ប្រធានសហព័ន្ធប្រដាល់សកលកម្ពុជា អះអាងថា សហព័ន្ធសាមីនឹងធ្វើការរៀបចំកម្មវិធីបោះជំរុំហ្វឹកហាត់ និងប្រកួតដកស្រង់បច្ចេកទេសរវាងក្រុមជម្រើសជាតិប្រដាល់សកលកម្ពុជា ជាមួយនិងក្រុមប្រដាល់សកល នៅតាមបណ្ដាក្លឹបនានា អោយបានយ៉ាងហោចណាស់រៀងរាល់២សប្ដាហ៍ម្ដង។

ប្រធានសហព័ន្ធប្រដាល់សកលកម្ពុជា លោក ប៊ុយ សុភ័ណ្ឌ បានថ្លែងអោយដឹងកាលពីថ្ងៃម្សិលមិញថា សហព័ន្ធប្រដាល់សកលកម្ពុជា នឹងធ្វើការសហការជាមួយបណ្ដាក្លឹបប្រដាល់សកលនៅរាជធានីភ្នំពេញ ដើម្បីរៀបចំកម្មវិធីបោះជំរុំហ្វឹកហាត់ និងប្រកួតដកស្រង់បច្ចេកទេសរវាងក្រុមជម្រើសជាតិប្រដាល់សកលកម្ពុជា ជាមួយនិងក្រុមប្រដាល់សកលនៅតាមបណ្ដាក្លឹបនានា។

លោកអះអាងថា នេះ គឺជាយុទ្ធសាស្រ្តថ្មីដែលសហព័ន្ធកីឡាប្រដាល់សកលកម្ពុជានាអាណត្តិថ្មី ធ្វើឡើងដើម្បីពង្រឹងសមត្ថភាពនិងបច្ចេកទេសកីឡាករ ក្នុងន័យផ្ដល់ឱកាសអោយពួកគេបានបង្ហាញសមត្ថភាពលើសង្វៀនប្រកួត ដើម្បីដុសខាត់សមត្ថភាព និងបង្កើនសមត្ថភាពប្រកួតអោយកាន់តែល្អប្រសើរឡើង។

លោក ប៊ុយ សោភ័ណ្ឌ បានសង្កត់ធ្ងន់ថា ការរៀបចំកម្មវិធីបោះជំរុំហ្វឹកហាត់ និងប្រកួតដកស្រង់បច្ចេកទេស ក៍ជាផ្នែកមួយក្នុងការជម្រុញផ្សព្វផ្សាយឱ្យមានការចូលរួមហ្វឹកហាត់ប្រដាល់សកលនៅតាមបណ្ដាក្លឹប ដើម្បីអោយអ្នកស្នេហាវិស័យប្រដាល់សកល បានចូលរួមហ្វឹកជាមួយកីឡាករជម្រើសសជាតិដ៍ទៃទៀត ដើម្បីដកស្រង់បច្ចេកទេសអោយកាន់តែមានប្រសិទ្ធផលខ្ពស់។

លោកបានលើកឡើងយ៉ាងដូច្នេះថា៖ “យើងឃើញថានៅថ្ងៃនេះ គឺមានកីឡាករប្រដាល់សកលជម្រើសជាតិកម្ពុជា ប្រមាណជាង៤០រូប សម្រាប់កម្មវិធីមួយនេះ ហើយក៍យើងនឹងបន្តកម្មវិធីមួយនេះរៀងរាល់ពីរសប្ដាហ៍ម្ដង តែយើងសង្ឃឹមថានឹងមានការចូលរួមកីឡាករបន្ថែមទៀត ដើម្បីចូលរួមជាមួយនិងក្លឹបផ្សេងៗដែលមានចំណាប់អារម្មណ៍ចូលរួមប្រកួត សហព័ន្ធប្រដាល់សកលកម្ពុជាស្វាគមន៍ជានិច្ច” ។

គួរបញ្ជាក់ថា ដើម្បីធ្វើការអភិវឌ្ឍន៍និងជម្រុញផ្សព្វផ្សាយ និងលើកទឹកចិត្តចំពោះប្រដាល់សកលនៅកម្ពុជា ដែលសហព័ន្ធកីឡាប្រដាល់សកលកម្ពុជា ត្រៀមនឹងរៀបចំការប្រកួតប្រកួតដកស្រង់បច្ចេកទេសរវាងក្រុមជម្រើសជាតិប្រដាល់សកលកម្ពុជា រៀងរាល់ពីរសប្ដាហ៍ម្ដង ដើម្បីដើម្បីផ្ដល់ឱកាសបន្តដល់កីឡាករនៅតាមបណ្ដាក្លឹប និងជម្រើសជាតិ ដើម្បីត្រៀមការចូលរួមប្រកួតព្រឹត្តការកីឡាស៊ីហ្គេមលើកទី៣៣ ដែលប្រទេសថៃធ្វើជាម្ចាស់ផ្ទះនាឆ្នាំ២០២៥៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (1)

កូដណែនាំ 91815366

· 04-01

👌👌

  • 1
ទៅកាន់

ការណែនាំពិសេស