មជ្ឈមណ្ឌលបញ្ជាការបង្ការ និងកាត់បន្ថយគ្រោះមហន្តរាយរបស់រដ្ឋបាលក្រុងបាងកក (BMA) បានចេញសេចក្តីប្រកាសផ្លូវការមួយកាលពីថ្ងៃព្រហស្បតិ៍ ដោយបញ្ជាក់ថា ស្ថានភាពគ្រោះមហន្តរាយនៅក្នុងតំបន់ទីក្រុងដែលបណ្តាលមកពីការរញ្ជួយដីនៅពេលនេះបានបញ្ចប់ហើយ។

សេចក្តីថ្លែងការណ៍បាននិយាយថា តំបន់ទាំងអស់នៅក្នុងទីក្រុងលែងជាតំបន់គ្រោះមហន្តរាយទៀតហើយ លើកលែងតែតំបន់ជុំវិញការដ្ឋានសាងសង់អគារការិយាល័យសវនកម្មរដ្ឋថ្មី (SAO) នៅលើផ្លូវ Kamphaeng Phet 2 ស្រុក Chatuchak ។ អគារ ៣០ ជាន់ដែលកំពុងសាងសង់បានដួលរលំកាលពីថ្ងៃទី ២៨ ខែមីនាឆ្នាំ២០២៥ បន្ទាប់ពីការរញ្ជួយដីនៅប្រទេសមីយ៉ាន់ម៉ាដោយជាប់គាំងកម្មករជាច្រើននៅខាងក្នុង។

មជ្ឈមណ្ឌលបានបញ្ជាក់ថា ទោះបីជាស្ថានភាពគ្រោះមហន្តរាយទាំងមូលនៅទីក្រុងបាងកកបានវិលមករកភាពប្រក្រតីវិញក៏ដោយ ក៏ប្រតិបត្តិការរុករក និងជួយសង្គ្រោះនៅតែបន្តនៅអគារដែលបានដួលរលំ។ មន្ត្រីមកពីភ្នាក់ងារផ្សេងៗ រួមទាំងអ្នកជួយសង្គ្រោះ វិស្វករសំណង់ និងក្រុមពេទ្យ កំពុងបន្តកិច្ចខិតខំប្រឹងប្រែងជួយសង្គ្រោះដោយប្រើឧបករណ៍ទំនើប និងបច្ចេកវិទ្យា ដើម្បីកាត់បន្ថយហានិភ័យដល់បុគ្គលិកដែលពាក់ព័ន្ធ។ តួរលេខចុងក្រោយបានរាយការណ៍ថាមានមនុស្សបាត់ខ្លួនចំនួន១០៣ នាក់ ដោយមនុស្សម្នាក់បានរាយការណ៍ថាខ្លួនមានសុវត្ថិភាព និង ៨ នាក់ផ្សេងទៀតកំពុងទទួលការព្យាបាលរបួស៕