ក្រុមមន្ត្រីបាននិយាយថា ផ្លូវរូងក្រោមដីដែលកំពុងសាងសង់នៅជិតទីក្រុងសេអ៊ូលបានដួលរលំនៅថ្ងៃសុក្រ ដែលទំនងជាបណ្តាលឱ្យកម្មករពីរនាក់ជាប់គាំងនៅកន្លែងនោះ។

ទីភ្នាក់ងារពន្លត់អគ្គីភ័យជាតិបាននិយាយនៅក្នុងសេចក្តីថ្លែងការណ៍មួយថា អាជ្ញាធរកំពុងចល័តបុគ្គលិកសង្គ្រោះចំនួន ៥៥នាក់ និងរថយន្ត ១៨គ្រឿង ដើម្បីជួយសង្គ្រោះជនរងគ្រោះដែលអាចកើតមាន។

ការដួលរលំបានកើតឡើងនៅ Gwangmyeong ដែលជាទីក្រុងមួយនៅភាគខាងត្បូងនៃទីក្រុងសេអ៊ូល។ មន្ត្រីក្រុង Gwangmyeong បាននិយាយថា អាជ្ញាធរមុននេះ បានដកកម្មករចេញពីការដ្ឋានសំណង់ ហើយបានបញ្ឈប់ចរាចរណ៍ជុំវិញតំបន់នោះ បន្ទាប់ពីទទួលបានសេចក្តីរាយការណ៍ថា បំពង់ខ្យល់នៅកន្លែងនោះប្រឈមនឹងហានិភ័យនៃការដួលរលំ។

កម្មករ៥នាក់ក្នុងចំណោម ១៧នាក់ ត្រូវបានបញ្ជូនមកត្រួតពិនិត្យនៅតំបន់សុវត្ថិភាពនោះ មិនអាចទាក់ទងបាននោះទេ ប៉ុន្តែអាជ្ញាធរគ្រប់គ្រងបានបញ្ជាក់ពីសុវត្ថិភាពរបស់ពួកគេទាំង៣នាក់។ ក្រុមមន្ត្រីបានព្យាយាមទាក់ទងទៅម្នាក់ក្នុងចំណោមកម្មករដែលបាត់ខ្លួន២នាក់ ដោយទទួលដំណឹងថា បានជាប់នៅក្រោមដីប៉ុន្តែប៉ូលីសបាននិយាយថាពួកគេមិនអាចបញ្ជាក់ពីការរស់រានមានជីវិតរបស់កម្មករម្នាក់ទៀតនៅឡើយ។

គួរឲ្យដឹងដែរថា ហេតុការណ៍​បាក់​រលំ​នៅ​វេលា​ម៉ោង​៣ ​និង​១៧​នាទី​រសៀល។ នៅឯផ្នែកនៃអគារមួយនៅលើខ្សែ Sinansan ថ្មី ដែលជាគម្រោងបន្ថែមលើបណ្តាញរថភ្លើងក្រោមដីទីក្រុងសេអ៊ូល នៅជិតប្រសព្វ Yangji ក្នុងទីក្រុង Iljik-dong របស់ Gwangmyeong៕

ប្រែសម្រួល៖ ផល្លីកា