បុរសសន្តិសុខម្នាក់ចងក សម្លាប់ខ្លួននៅក្នុងក្រុមហ៊ុន ផ្គត់ផ្គង់គ្រឿងសំណង់CCW

#ក្រុមហ៊ុនផ្គត់ផ្គង់គ្រឿងសំណង់CCW# #សន្តិសុខ# #សង្គម# #ព័ត៌មានសង្គម# #ចងកធ្វើអត្តឃាត#

1621

ភ្នំពេញ៖ បុរសជាសន្តិសុខម្នាក់បានសម្រេចចិត្តចងក ធ្វើអត្តឃាតសម្លាប់ខ្លួននៅក្នុងក្រុមហ៊ុនផ្គត់ផ្គង់គ្រឿងសំណង់CCW ។

កាលពីវេលាម៉ោង១០និង០០នាទីព្រឹកថ្ងៃទី៦ ខែមេសា ឆ្នាំ២០២០ ស្ថិតនៅក្នុងក្រុមហ៊ុនលក់គ្រឿងសំណង់មួយកន្លែងនៅតាមបណ្តោយផ្លូវ២៧១ ភូមិមានជ័យទី១ ខណ្ឌមានជ័យ រាជធានីភ្នំពេញ។

សពជនរងគ្រោះខាងលើមានឈ្មោះតឿស៊ីសុវត្ថិ អាយុ៣៨ឆ្នាំ មុខរបរសន្តិសុខឯកជន មានស្រុកកំណើតនៅឃុំឈើទាល ស្រុកបាណន់ខេត្តបាត់ដំបង។

ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុជនរងគ្រោះខាងលើបានត្អូញត្អែថារូបគាត់អត់មានលុយទិញបាយហូបទេ រងចាំបើកលុយបាននិងទៅលេងស្រុកកំណើតហើយ ក្រោយនិយាយលេងជាមួយអ្នកជិតខាងរួច ក៏ដើរចូលក្នុងក្រុមហ៊ុនវិញ ស្រាប់តែសន្ទុះក្រោយមកប្រទះឃើញជនរងគ្រោះចងកសម្លាប់ខ្លួនបាត់ទៅហើយ។

ក្រោយពេលកើតហេតុកម្លាំងនគរបាលខណ្ឌមានជ័យសហការណ៏ការិយាល័យកោសល្យវិច័យស្នងការនគរបាលរាជធានីភ្នំពេញ ចុះមកពិនិត្យសពនៅទីតាំងកន្លែងកើតហេតុខាងលើ។

បន្ទាប់ពីពិនិត្យសពរួចសមត្ថកិច្ចជំនាញបានបញ្ជាក់ឲ្យដឹងថា សពបុរសខាងលើពិតជាចងកធ្វើអត្តឃាតសម្លាប់ខ្លួនឯងពិតប្រាកដមែន។

សពត្រូវបានសមត្ថកិច្ចប្រគល់ជូនទៅឲ្យក្រុមគ្រួសារដឹកយកទៅធ្វើបុណ្យតាមប្រពៃណី៕ដោយ សួង សាម

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។