
TNAOT News
· 2020-07-22
ក្រុមគ្រូពេទ្យថែទាំអ្នកជំងឺកូវីដ១៩ អាចមានផលប៉ះពាល់ ដល់បញ្ហាសុខភាពផ្លូវចិត្ត
#ក្រុមគ្រូពេទ្យ# #គន្លឹះថែទាំសុខភាព# #កូវីដ១៩# #សុខភាព# #ផលប៉ះពាល់#
11032
ក្រុមអ្នកជំនាញ ផ្នែកអង្កេតរបស់ក្រសួងសុខាភិបាលបញ្ជាក់ថា ក្រុមគ្រូពេទ្យថែទាំពិនិត្យព្យាបាលអ្នកជំងឺកូវីដ១៩ អាចមានការប៉ះពាល់ ដល់បញ្ហាសុខភាពផ្លូវចិត្តរបស់ពួកគេ ខណៈបញ្ហាការសម្រាន្តមិនបាន ឬគេងមិនលក់ ក៏អាចបណ្តាលឱ្យកើតមានជំងឺធ្លាក់ទឹកចិត្ត ជំងឺភ័យខ្លាច ឬថប់បារម្ភជាដើម។
ជាមួយគ្នានេះ ក្រសួងសុខាភិបាលបានរកឃើញថា សម្រាប់ក្រុមគ្រូពេទ្យ ដែលមានបញ្ហាខាងលើនេះ គឺមានអត្រាចាប់ពី៣៥%ទៅ៥០%។
លើសពីនេះ មន្ត្រីសុខាភិបាល បានបន្ថែមនូវបញ្ហា ដែលអាចឈានដល់ស្ថានភាពធ្ងន់ធ្ងរ លើសុខភាពផ្លូវចិត្ត ក្នុងស្ថានភាពការរាតត្បាតជំងឺកូវីដ១៩ ថានឹងអាចអូសបន្លាយ ក្នុងរយៈពេលយូរថែមទៀត។
ក្រសួងសុខាភិបាល បានផ្តល់នូវវិធីណែនាំមួយចំនួន ដល់ពលរដ្ឋ គឺត្រូវធ្វើការពិចារណា ក្នុងការទទួលព័ត៌មាន ដោយមើលអានស្តាប់ព័ត៌មាន ដែលជាព័ត៌មានផ្លូវការ និងមានប្រភពច្បាស់លាស់។
ស្របតាមការណែនាំរបស់ក្រសួងសុខាភិបាល គឺបានធ្វើឱ្យមានការបង្កើនការប្រុងប្រយ័ត្ន កាន់តែខ្លាំងជាងមុន។ ដោយត្នោត
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (0)