គ្រោះរាំងស្ងួត កំពុងគំរាមកំហែងតំបន់ពីរ នៃខេត្តមណ្ឌលគិរី

#កសិកម្ម# #ខូចខាតដំណាំស្រូវ# #គ្រោះធម្មជាតិ# #សង្គម# #ការគំរាមកំហែង#

10061

ដំណាំស្រូវរបស់ប្រជាពលរដ្ឋចំនួន២ឃុំ នៃស្រុកកែវសីមា ខេត្តមណ្ឌលគិរី កំពុងប្រឈម និងការខូចខាតខ្សោះជីវជាតិ ខ្វះទឹកជួយលើការស្រោចស្រព នៅលើផ្ទៃដី ដែលកំពុងលូតលាស់។

អាជ្ញាធរស្រុកកែវសីមា បានឱ្យដឹងថា ករណីនេះ ប្រសិនបើក្នុងអំឡុង៧ទៅ១០ថ្ងៃទៀត មិនមានភ្លៀងធ្លាក់មកទេ ដំណាំស្រូវច្បាស់រងផលខូចខាតជាបន្តបន្ទាប់។

ឆ្លើយតបនិងដំណោះស្រាយនៅក្នុងបញ្ហានេះ កាលពីថ្ងៃទី៣០ ខែកក្កដា ឆ្នាំ២០២០ ក្រុមការងារក្សេត្រសាស្ត្រ និងផលិតភាពកសិកម្ម សហកាជាមួយអាជ្ញាធរឃុំ មេម៉ង់ និងឃុំចុងផ្លាស់ ចុះពិនិត្យដំណាំស្រូវដែលទទួលផលប៉ះពាល់ ដោយគ្រោះរាំងស្ងួត ក្នុងឃុំទាំពីរ។ “សំណាបដែលសរុបជាង១ពាន់គ្រួសារ និងផ្ទៃដីជិត២០ហិតា កំពុងតែទទួលរងផលប៉ះពាល់ដូចគ្នា រីឯសន្ទូងកំពុងរងផលប៉ះពាល់ដូចគ្នា”។

បើតាមលោក សុង ឃាង ប្រធានមន្ទីរកសិកម្មខេត្តមណ្ឌលគិរី បានឲ្យដឹងថា ប៉ុន្មានថ្ងៃកន្លងមកនេះ ចាប់ពីអំឡុងចុងខែកក្កដា ការបង្កបង្កើនដំណាំស្រូវ នៅឃុំខាងលើបានរងនូវការប៉ះពាល់ខ្លះៗ បណ្តាលមកពីអាកាសធាតុរាំងស្ងួត ដោយសារគ្មានទឹកស្រោចស្រព។

ជាវិធានការមន្ទីរកសិកម្ម បានត្រៀមរួចរាល់ ក្នុងការជួយសង្គ្រោះដំណាំស្រូវរបស់កសិករ ប្រសិនបើអាកាសធាតុ នៅតែអូសបន្លាយមិនមានភ្លៀងធ្លាក់ មន្ត្រីជំនាញនិងជួយផ្តល់ជាប្រេងឬម៉ាស៊ីន បូមទឹកដល់ កសិករ ដែលមានស្រែនៅជិតអូរឬត្រពាំង ដើម្បីបូមទឹកសង្គ្រោះស្រូវជាបន្ទាន់៕ ដោយ៖ ត្នោត

បណ្ដុំព័ត៌មានសំខាន់ៗប្រចាំថ្ងៃ

18259មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។