អាជ្ញាធរខេត្តកោះកុង បន្តរឹតបណ្តឹងវិធានការសុវត្ថិភាព ចំពោះអ្នកដំណើរឆ្លងដែន

#ឆ្លងដែន# #ការត្រួតពិនិត្យ# #សង្គម# #ខេត្តកោះកុង# #នយោបាយជាតិ#

4642

គ្រប់ទំនិញនិងអ្នកឆ្លងដែន ពីទឹកដីថៃចូលមកកម្ពុជា តាមច្រកទា្វរអន្តរជាតិ នៃខេត្តកោះកុង ត្រូវទទួលការត្រួតពិនិត្យសុខភាព ពីមន្ត្រីសមត្ថកិច្ចតាមច្រកព្រំដែនអន្តរជាតិចាំយាម ដើម្បីធ្វើការទប់ស្កាត់ទៅលើករណីឆ្លងជំងឺកូវីដ១៩ ពីប្រទេសជិតខាង។

ជាមួយគ្នានេះ ក្រុមការងារចត្តាឡីស័ក នៃមន្ទីរសុខាភិបាលខេត្តកោះកុង បានបន្តការត្រួតពិនិត្យកំដៅ និងបាញ់ថ្នាំសម្លាប់មេរោគ ទៅអ្នកដំណើរឆ្លងដែន។

ជុំវិញរឿងនេះ កាលពីថ្ងៃទី១៩ កញ្ញា ឆ្នាំ២០២០នេះ អ្នកបើកបរដឹកទំនិញឆ្លងដែនចេញ-ចូល តាមច្រកព្រំដែនអន្តរជាតិចាំយាម ក៏ត្រូវបានទទួលការត្រួតពិនិត្យ និងធ្វើការបាញ់ថ្នាំសម្លាប់មេរោគ នៅលើរថយន្តផងដែរ៕ ដោយ៖ ឃួន លក្ខិណា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។