ប្រតិបត្តិការស្វែងរក និងជួយសង្គ្រោះ អ្នករងគ្រោះក្នុងហេតុការណ៍ដួលរលំអគារក្រោយរងគ្រោះរញ្ជួយដីនៅប្រទេសថៃ ចំនួនអ្នកស្លាប់កើនឡើងដល់ ៤៤ នាក់ និង បាត់ខ្លួន ៥០នាក់ ។

រដ្ឋបាលក្រុងបាងកក បានឲ្យដឹងថា ជនរងគ្រោះសរុបចំនួន ១០៣នាក់រងគ្រោះក្នុងឧបទ្ទវហេតុដួលរលំអគារការិយាល័យសវនកម្មរដ្ឋដែលកំពុងសាងសង់កម្ពស់៣០ជាន់ នៅក្នុងសង្កាត់ Chatuchak ទីក្រុងបាងកក។ក្នុង​នោះ​មាន​មនុស្ស​ ៤៤​នាក់ ​ត្រូវ​បាន​គេ​បញ្ជាក់​ថា ​ស្លាប់​៩​នាក់​រងរបួស និង​៥០​នាក់​ទៀត​បាត់​ខ្លួន។

អគារការិយាល័យសវនកម្មរដ្ឋដែលកំពុងសាងសង់ (SAO) នៅលើផ្លូវ Kamphaeng Phet2 បានដួលរលំកាលពីថ្ងៃទី២៨ ខែមីនា ដោយសារតែផលប៉ះពាល់នៃការរញ្ជួយដីកម្រិត ៨.២ រិចទ័រ នៅជិតទីក្រុង Mandalay ប្រទេសមីយ៉ាន់ម៉ា ដោយបានជាប់គាំងកម្មករជាងមួយរយនាក់នៅខាងក្នុង៕