២សប្តាហ៍ដើមខែកក្តដា ភ្ញៀវទេសចរណ៍បានកើនឡើង ជាង៣១ម៉ឺននាក់

#ដើរលេង# #កើនឡើងចំនួនភ្ញៀវទេសចរ# #អ្នកទេសចរ# #រៀបចំតំបន់ទេសចរណ៍# #ដើរលេងស្រុកខ្មែរ#

11720

ចំនួនភ្ញៀវទេសចរក្នុងរយៈពេល២សប្ដាហ៍ នៃដើមខែកក្កដា ឆ្នាំ២០២០នេះ បានកើនឡើងចំនួន ៣១៣,៣០០នាក់ ដែលស្មើនឹង១.៦៧%។ នេះបើយោងតាមការអះអាង របស់រដ្ឋមន្ត្រីក្រសួងទេចរណ៍ លោក ថោង ខុន នៅលើគេហទំព័រហ្វេសប៊ុក។

លោកថោង ខុន បានឱ្យដឹងថា ក្នុងចំណោមភ្ញៀវប្រមាណជាង៣១ម៉ឺននាក់នេះ ភ្ញៀវជាតិមានចំនួន ៣០៧,៨០៩នាក់ កើនឡើង ២.៥៤% និងភ្ញៀវបរទេសមានចំនួន ៥,៤៩១នាក់ ថយចុះ៣០.៨៩%។

គេកត់សម្គាល់ឃើញថា ចំនួនភ្ញៀវទេសចរផ្ទៃក្នុង ហាក់ស្ថិតក្នុងចំណុចថេរមួយ ហើយចំនួនភ្ញៀវទេសចរសរុបក៏ស្ថិតក្នុងរង្វង់ ៦០-៦៥ម៉ឺននាក់ ដោយក្នុងមួយខែថយចុះ ៣៥-៤០% បើប្រៀបធៀបនឹងមុនវិបត្តិកូវីដ១៩ ។ លោកថា ថេរភាពនៃចំនួនខាងលើ អាចបណ្តាលមកពីនេះជារដូវវស្សា។

ភាគច្រើន ភ្ញៀវទេសចរជាយុវជន គឺចូលចិត្តធ្វើដំណើរកម្សាន្តតាមបែបផ្សងព្រេង ទៅកាន់តំបន់អេកូទេសចរណ៍។

ដោយឡែកតំបន់ទេសចរណ៍ខេត្តសៀមរាប គឺនៅមិនទាន់អាចទាក់ទាញភ្ញៀវទេសចរ ដូចពីមុនទេ ព្រោះកម្ពុជានៅមិនទាន់អនុញ្ញាត ឱ្យមានការៀបចំព្រឹត្តិការណ៍ទេសចរណ៍នានា ដើម្បីជួយទាក់ទាញភ្ញៀវក្រៅពីទស្សនាប្រាសាទ៕ ដោយ៖ ត្នោត

បណ្ដុំព័ត៌មានសំខាន់ៗប្រចាំថ្ងៃ

18263មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។